കാളികാവ്: 'മരം പരിസ്ഥിതി' ക്ലബിന്റെ നേതൃത്വത്തില്‍ കേളുനായര്‍പടിയെ പ്ലാസ്റ്റിക് മുക്ത ഗ്രാമമാക്കുന്നു. പദ്ധതിയുടെ ഭാഗമായി കേളുനായര്‍പടി, ചേനപ്പാടി, പെരിങ്ങപ്പാറ എന്നിവിടങ്ങളിലെ വീട്, തോട്ടങ്ങള്‍, കൃഷിസ്ഥലങ്ങളില്‍ ഉള്‍പ്പെടെയുള്ള പ്ലാസ്റ്റിക് മാലിന്യങ്ങള്‍ ശേഖരിക്കുകയും പരിസരം വൃത്തിയാക്കുകയും ചെയ്തു.
കിഴക്കേതില്‍ നാസറും സംഘവും നേതൃത്വം നല്‍കി. ശുചീകരണ പരിപാടി ചോക്കാട് പഞ്ചായത്തംഗം കെ.എസ് അന്‍വര്‍ ഉദ്ഘാടനം ചെയ്തു.
മരം പരിസ്ഥിതി ക്ലബ് പ്രവര്‍ത്തകരായ കിഴക്കേതില്‍ നാസര്‍, ജിബി ജോസഫ്, ഹസ്‌ക്കര്‍, തലാപ്പില്‍ ഷഫീക്ക്, ടി. ഷിജു, വിഷ്ണു പ്രവീണ്‍, കെ. റഷീദ്, മാവുങ്ങല്‍ റിഷാദ് തുടങ്ങിയവര്‍ നേതൃത്വം നല്‍കി.