HOME
DETAILS

കോഴിച്ചെനയിലെ തൊണ്ടിവാഹനങ്ങള്‍ക്ക് തീപിടിച്ചു

  
backup
March 22 2018 | 04:03 AM

%e0%b4%95%e0%b5%8b%e0%b4%b4%e0%b4%bf%e0%b4%9a%e0%b5%8d%e0%b4%9a%e0%b5%86%e0%b4%a8%e0%b4%af%e0%b4%bf%e0%b4%b2%e0%b5%86-%e0%b4%a4%e0%b5%8a%e0%b4%a3%e0%b5%8d%e0%b4%9f%e0%b4%bf%e0%b4%b5%e0%b4%be%e0%b4%b9

 

തിരൂരങ്ങാടി: കോഴിച്ചെനയില്‍ തള്ളിയ പൊലിസിന്റെ തൊണ്ടി വാഹനങ്ങള്‍ കത്തിനശിച്ചു. ഇന്നലെ വൈകീട്ട് നാലരയോടെയാണ് കണ്ടന്‍ചിറയില്‍ കൂട്ടിയിട്ട വാഹനങ്ങള്‍ക്ക് തീപിടിച്ചത്. ഉണങ്ങിയ പുല്ലില്‍ പടര്‍ന്ന തീ വാഹനങ്ങളുടെ ലെതര്‍ സീറ്റുകള്‍, ടയറുകള്‍ എന്നിവയിലേക്ക് പടര്‍ന്ന് ആളിക്കത്തുകയായിരുന്നു എന്ന് സമീപവാസിയായ പള്ളിയാളിത്തൊടി ആഷിഖ് പറഞ്ഞു. തൊട്ടടുത്ത ട്രാന്‍സ്‌ഫോമറില്‍നിന്നും ഷോര്‍ട്ട് സര്‍ക്യൂട്ട് മൂലമാണോ തീപടര്‍ന്നതെന്ന് സംശയമുണ്ട്.
മലപ്പുറം, തിരൂര്‍ എന്നിവിടങ്ങളില്‍നിന്നും എത്തിയ അഗ്നിശമന സേനയും നാട്ടുകാരും ചേര്‍ന്ന് തീയണച്ചു. തിരൂരങ്ങാടി താലൂക്ക് ഓഫിസ് വളപ്പ്, പൊലിസ് സ്റ്റേഷന്‍ പരിസരം എന്നിവിടങ്ങളില്‍നിന്നും മൂന്നു വര്‍ഷംമുമ്പാണ് തൊണ്ടിവാഹനങ്ങള്‍ കോഴിച്ചെനയിലെ കണ്ടന്‍ചിറ മൈതാനത്തേക്ക് മാറ്റിയത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."