കണ്ണൂര്‍: ലോക പരിസ്ഥിതി ദിനാചരണത്തിന്റെ ഭാഗമായി കണ്ണൂര്‍ സര്‍വകലാശാലാ കാര്‍ഷിക      പാരിസ്ഥിതിക സംഘടനയായ കിസാനുമായി ചേര്‍ന്നു രണ്ടുദിവസത്തെ പരിസ്ഥിതി പരിപാടികള്‍ നടത്തും. നാളെ രാവിലെ 10.30ന് മന്ത്രി കടന്നപ്പള്ളി രാമചന്ദ്രന്‍ വൃക്ഷത്തൈ നട്ട് ഉദ്ഘാടനം ചെയ്യും. നിര്‍മാണം പൂര്‍ത്തിയായിവരുന്ന അക്വാറ്റിക് ബയോഡൈവേഴ്‌സിറ്റി പാര്‍ക്കിന് ചുറ്റും സര്‍വകലാശാലാ ജീവനക്കാര്‍ കൈകോര്‍ത്തു പിടിച്ച് തണ്ണീര്‍ത്തട സംരക്ഷണ വലയം തീര്‍ക്കും. ആറിനു രാവിലെ 10.30ന് പരിസ്ഥിതി സംരക്ഷണ സെമിനാര്‍ വൈസ് ചാന്‍സലര്‍ ഡോ. ഖാദര്‍ മാങ്ങാട് ഉദ്ഘാടനം ചെയ്യും. പ്രൊ-വൈസ് ചാന്‍സലര്‍ ഡോ. ടി അശോകന്‍ അധ്യക്ഷനാകും. കെ.വി ഉത്തമന്‍, ഡോ. ഖലീല്‍ ചൊവ്വ എന്നിവര്‍ വിഷയം അവതരിപ്പിക്കും.