പേരാവൂര്‍: പെരുമ്പുന്നയില്‍ വാഹന പരിശോധനക്കിടെ കഞ്ചാവുമായി യുവാവ് എക്‌സൈസ് പിടിയില്‍. കര്‍ണാടക തൊടുപുളി സ്വദേശി കോടവീട്ടില്‍ മൊയ്തീന്‍ നൗഷീഫ്(26) ആണ് പേരാവൂര്‍ എക്‌സൈസിന്റെ രാത്രികാല വാഹന പരിശോധനക്കിടെ ശനിയാഴ്ച രാത്രി പിടിയിലായത്. ഇയാളുടെ സഹായിയായ ഡ്രൈവര്‍ കാസര്‍ഗോഡ് തളങ്കര സ്വദേശി ഇബ്രാഹിം ഷബീര്‍(27) കാറില്‍ നിന്ന് ഇറങ്ങിയോടിയതിനാല്‍ പിടികൂടാനായിട്ടില്ല. കണാടകയില്‍ നിന്നാണ് കഞ്ചാവ് വാങ്ങിയതെന്ന് പ്രതി പറഞ്ഞു. ഇരുവരുടെയും പേരില്‍ എക്‌സൈസ് കേസെടുത്തു.