എരുമപ്പെട്ടി: കടങ്ങോട് മയിലാടുംകുന്നില്‍ അനധികൃതമായി പ്രവര്‍ത്തിച്ചിരുന്ന കരിങ്കല്‍ ക്വാറിയില്‍ എരുമപ്പെട്ടി പൊലീസ് നടത്തിയ പരിശോധനയില്‍ എസ്‌കവേറ്റര്‍ പിടിച്ചെടുത്തു. കടങ്ങോട് ഗ്രാമ സംരക്ഷണ സമിതിയുടെ പരാതിയെ തുടര്‍ന്നാണ് എസ്.ഐ. വി.പി.സിബീഷ്‌കുമാറിന്റെ നേതൃത്വത്തില്‍ പൊലീസ് പരിശോധന നടത്തിയത്.
മയിലാടുംകുന്ന് മേഖലയില്‍ സര്‍ക്കാര്‍ പുറമ്പോക്ക് ഭൂമിയും വനഭൂമിയും കയ്യേറി കരിങ്കല്‍ ക്വാറികള്‍ പ്രവര്‍ത്തിക്കുന്നതായി പരാതിയുയര്‍ന്നിട്ടുണ്ട്.ഇതിനെതിരെ മയിലാടുംകുന്ന് സംരക്ഷണ സമിതിയും ,കടങ്ങോട് ഗ്രാമ സംരക്ഷണ സമിതിയും രംഗത്തെത്തിയിട്ടുണ്ട്.ഇവരുടെ പരാതിയെ തുടര്‍ന്ന് കഴിഞ്ഞ ദിവസം കടങ്ങോട് മേഖലയിലെ കരിങ്കല്‍ ക്വാറികളില്‍ ജിയോളജി വകുപ്പ് പരിശോധന നടത്തിയിരുന്നു.