കൊണ്ടോട്ടി: കരിപ്പൂര്‍ വിമാനത്താവളത്തില്‍ മൂന്ന് യാത്രക്കാരില്‍ നിന്ന് 2.10 കോടി രൂപയുടെ സ്വര്‍ണം ഡി.ആര്‍.ഐ സംഘം പിടികൂടി. കൊയിലാണ്ടി മൊയ്തീന്‍ പള്ളി റോഡ് വയലിലകത്ത് പുര ശരീജ് (36), വയനാട് വെള്ളമുണ്ട കുനിയില്‍ അബ്ദുല്‍ ജലീല്‍(31), കോഴിക്കോട് കൈതപ്പൊയില്‍ പുളിക്കല്‍ ഷാഫി (27) എന്നിവരില്‍ നിന്നാണ് സ്വര്‍ണം പിടികൂടിയത്.
എയര്‍ ഇന്ത്യ എക്‌സ്പ്രസ് വിമാനത്തില്‍ അബൂദബി, ഇന്‍ഡിഗോ വിമാനത്തില്‍ ദുബൈ എന്നിവിടങ്ങളില്‍ നിന്നാണ് ഇവരെത്തിയത്.
മിശ്രിതമായി കാലില്‍ കെട്ടിവച്ചാണ് സ്വര്‍ണം എത്തിച്ചിരുന്നത്. 12.5 കി. ഗ്രാമില്‍ നിന്നാണ് 7.3 കിലോ സ്വര്‍ണം വേര്‍തിരിച്ചെടുത്തത്. ഇവയ്ക്ക് ഇന്ത്യന്‍ മാര്‍ക്കറ്റില്‍ 2.10 കോടി വിലവരും.