ഹൈദരാബാദ്: നേതാക്കള്‍ക്കെതിരെ രൂക്ഷ വിമര്‍ശനവുമായി സി.പി.എം പാര്‍ട്ടി കോണ്‍ഗ്രസിന്റെ സംഘടനാ റിപ്പോര്‍ട്ട്. പി.ബി അംഗങ്ങളും നേതാക്കളും മാധ്യമങ്ങളോട് നടത്തുന്ന വിടുവായത്തം നിര്‍ത്തണമെന്നാണ് പ്രധാനപ്പെട്ട വിമര്‍ശനം.

ത്രിപുരയിലെ തെരഞ്ഞെടുപ്പ് തോല്‍വിയോടെ പാര്‍
ട്ടി കടുത്ത പ്രതിസന്ധിയിലൂടെയാണ് കടന്നുപോകുന്നത്. കേന്ദ്രകമ്മിറ്റിയില്‍ നിന്നും പി.ബിയില്‍ നിന്നും രഹസ്യങ്ങള്‍ ചോര്‍ത്തുന്നതിന് ഏകീകൃത സംവിധാനമുണ്ട്. ഇക്കാര്യം അന്വേഷണത്തില്‍ വ്യക്തമാണ്. ഗുരുതരമായ അച്ചടക്ക ലംഘനമാണിത്. നേതാക്കള്‍ ഇതിന്റെ ഉത്തരവാദിത്വം ഏറ്റെടുത്ത് ഇത്തരം നടപടികള്‍ അവസാനിപ്പിക്കണമെന്നും റിപ്പോര്‍ട്ടില്‍ പറയുന്നു.