കൊല്ലം: കോണ്‍ഗ്രസ് അടക്കം മതേതര കക്ഷികളുമായി ധാരണയാകാനുള്ള സാഹചര്യമാണ് നിലവിലുള്ളതെന്ന് സി.പി.ഐ ദേശീയ ജനറല്‍ സെക്രട്ടറി എസ്. സുധാകര്‍ റെഡ്ഡി. ഈ വിഷയത്തില്‍ സി.പി.എം എടുത്ത നിലപാട് സ്വാഗതാര്‍ഹമാണ്. ബി.ജെ.പിയെ പുറത്താക്കാന്‍ അനുകൂല സാഹചര്യം മുതലാക്കി ഒരേ മനസുള്ളവര്‍ ഒന്നിക്കണമെന്നും സുധാകര്‍ റെഡ്ഡി വ്യക്തമാക്കി. സി.പി.ഐ 23ാം പാര്‍ട്ടി കോണ്‍ഗ്രസില്‍ പങ്കെടുക്കാന്‍ എത്തിയതായിരുന്നു അദ്ദേഹം.

പാര്‍ട്ടി കോണ്‍ഗ്രസ് കൊല്ലത്ത് ബുധനാഴ്ച ആരംഭിക്കും.