ന്യൂഡല്‍ഹി: കര്‍ണാടകത്തെ കൊള്ളയടിച്ചവരെ വീണ്ടും അധികാരത്തിലെത്തിക്കാനാണ് പ്രധാനമന്ത്രി നരേന്ദ്ര മോദി ശ്രമിക്കുന്നതെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. കര്‍ണാടകയിലെ ജനങ്ങളെ വീണ്ടും വീണ്ടും പരിഹസിക്കാനാണ് മോദിയുടെ നീക്കമെന്നും അദ്ദേഹം ട്വീറ്റ് ചെയ്തു. അധികാരത്തിലിരുന്നപ്പോള്‍ അന്നത്തെ മുഖ്യമന്ത്രി ബി.എസ് യദ്യൂരപ്പയും റെഡ്ഡി സഹോദരന്മാരും ചേര്‍ന്ന് കര്‍ണാടകയെ കൊള്ളയടിക്കുകയായിരുന്നു. കോണ്‍ഗ്രസ് അധികാരത്തില്‍ എത്തിയ ശേഷമാണ് കര്‍ണാടകയിലെ ജനങ്ങള്‍ക്ക് നീതി ലഭിച്ചത്. ജയിലില്‍ നിന്ന് പുറത്തിറിങ്ങിയ എട്ടുപേരെ നിയമസഭയിലേക്ക് എത്തിക്കാനാണ് മോദി ശ്രമിക്കുന്നതെന്നും അദ്ദേഹം ആരോപിച്ചു. ആത്മാര്‍ഥതയും സത്യസന്ധതയുമുള്ള ഓരോ കന്നഡക്കാരേയും അവഹേളിക്കുന്നതാണ് ഈ നടപടിയെന്നും അദ്ദേഹം ആരോപിച്ചു.
മെയ് 12ന് തെരഞ്ഞെടുപ്പ് നടക്കുന്ന കര്‍ണാടകയില്‍ രണ്ട് ദിവസത്തെ സന്ദര്‍ശനത്തിനായി രാഹുല്‍ ഗാന്ധി 27ന് വീണ്ടും കര്‍ണാടകയില്‍ എത്തും.