മിലാന്‍: ഇറ്റലി ദേശീയ ടീമിന്റെ പുതിയ പരിശീലകനായി ജിയാംപിറോ വെന്റുരയെ നിയമിച്ചു. യൂറോ കപ്പിനു ശേഷം നിലവിലെ പരിശീലകന്‍ അന്റോണിയോ കോണ്ടെയുമായുള്ള ഇറ്റലിയുടെ കരാര്‍ അവസാനിക്കുന്ന സാഹചര്യത്തിലാണ് വെന്റുരയുടെ നിയമനം. യൂറോയ്ക്ക് ശേഷം ഇറ്റാലിയന്‍ ദേശീയ ടീമിന്റെ പടിയിറങ്ങുന്ന കോണ്ടെ ഇംഗ്ലീഷ് പ്രീമിയര്‍ ലീഗ് ടീം ചെല്‍സിയുടെ പരിശീലകനായി ചുമതലയേല്‍ക്കും.
ഇക്കഴിഞ്ഞ സീസണില്‍ ടൊറിനോയെയാണ് വെന്റുര അവസാനമായി പരിശീലിപ്പിച്ചത്. 2018ല്‍ റഷ്യയില്‍ നടക്കുന്ന ലോകകപ്പിനായി ഇറ്റാലിയന്‍ ടീമിനെ സജ്ജമാക്കുകയാണ് വെന്റുരയ്ക്കു മുന്നിലുള്ള വെല്ലുവിളി.
ബാരി, പിസ, വെറോന, മെസ്സ്‌നിയ, നാപോളി, കഗ്ലിയാരി, ഉദീനിസെ, സംപ്‌ദോറിയ ടീമുകളെയും വെന്റുര പരിശീലിപ്പിച്ചിട്ടുണ്ട്.