മണ്ണാര്‍ക്കാട്: കേന്ദ്ര - സംസ്ഥാന സര്‍ക്കാറുകള്‍ ജനത്തെ തമ്മിലടിപ്പിക്കുകയാണെന്നും, സാധാരണക്കാരുടെ ജീവിതം ഏറ്റവും ദുസ്സഹമായ അവസ്ഥയിലാണിപ്പോഴെന്നും പാണക്കാട് സയ്യിദ് ബഷീറലി ശിഹാബ് തങ്ങള്‍ പറഞ്ഞു. അരിയില്ല, പണമില്ല, പണിയില്ല, വെളളവുമില്ല എന്ന മുദ്രാവാക്യവുമായി മുന്‍ മന്ത്രി എം.കെ മുനീര്‍ നയിക്കുന്ന യു.ഡി.എഫ് സംസ്ഥാന മേഖലാ പ്രചരണ ജാഥയുടെ സ്വീകരണയോഗം മണ്ണാര്‍ക്കാട് ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാനത്ത് കഴിഞ്ഞ സര്‍ക്കാര്‍ നടപ്പാക്കിയ ജനോപകാരമായ പ്രവര്‍ത്തനങ്ങള്‍ക്ക് തുടര്‍ച്ചയില്ലെന്നും തങ്ങള്‍ കൂട്ടിച്ചേര്‍ത്തു. ചടങ്ങില്‍ സ്വാഗത സംഘം ചെയര്‍മാന്‍ അഡ്വ.എന്‍ ഷംസുദ്ദീന്‍ എം.എല്‍.എ അധ്യക്ഷത വഹിച്ചു. ഡോ.എം.കെ മുനീര്‍ മറുപടി പ്രസംഗം നടത്തി. മുന്‍ എം.എല്‍.എ സി. മോയിന്‍കുട്ടി, കാര്‍ത്തികേയന്‍, എന്‍.സുബ്രമണ്യന്‍, കലാധരന്‍, കുഞ്ഞാലി, സി.അച്ചുതന്‍, കളത്തില്‍ അബ്ദുല്ല, വി.കെ ശ്രീകണ്ഠന്‍, അഡ്വ.ടി.എ സിദ്ദീഖ്, എന്‍.ഹംസ, കല്ലടി അബൂബക്കര്‍, പൊന്‍പാറ കോയക്കുട്ടി, വി.വി ഷൗക്കത്തലി, പി.അഹമ്മദ് അഷറഫ്, ടി.എ സലാം മാസ്റ്റര്‍, സി. മുഹമ്മദ് ബഷീര്‍, പി. മുഹമ്മദാലി അന്‍സാരി, പി.ആര്‍ സുരേഷ്, എം.ആര്‍ സത്യന്‍, കെ.രാജന്‍, അഡ്വ.നാസര്‍ കൊമ്പത്ത്, ഗഫൂര്‍ കോല്‍ക്കളത്തില്‍, അര്‍സല്‍ എരേരത്ത്, റഷീദ് ആലായന്‍, കെ.ടി ഹംസപ്പ, ബഷീര്‍ സംസം, അയ്യപ്പന്‍, ഹംസ അച്ചിപ്ര, ശെല്‍വന്‍, എം.എസ് അലവി, എം.മമ്മദ് ഹാജി, പി. നസീര്‍ ബാബു സംബന്ധിച്ചു.