ശബരിമല: ശബരിമലയില്‍ ഇന്നലെ എത്തിയ ശ്രീലങ്കന്‍ യുവതി ദര്‍ശനം നടത്തിയതിന്റെ ദൃശ്യങ്ങള്‍ പുറത്ത്. ശ്രീലങ്കന്‍ സ്വദേശിനി ശശികല(46) യാണ് വ്യാഴാഴ്ച്ച രാത്രി 9.30 ഓടെ ദര്‍ശനം നടത്തി മടങ്ങിയത്. മഫ്തി പൊലിസുകാരുടെ സഹായത്തോടെയാണ് ഇവര്‍ ദര്‍ശനം നടത്തിയത്. ശശികലയ്‌ക്കൊപ്പം ഭര്‍ത്താവ് അശോക കുമാരനും മകനും ഉണ്ടായിരുന്നു.

വ്യാഴാഴ്ച വൈകുന്നേരമാണ് ശശികല പമ്പയിലെ ഗാര്‍ഡ് റൂമിലെത്തി ദര്‍ശനത്തിന് സംരക്ഷണം നല്‍കണമെന്ന് ആവശ്യപ്പെട്ടത്. തന്റെ ഗര്‍ഭപാത്രം നീക്കം ചെയ്തതാണെന്നും ദര്‍ശനത്തിന് അവസരം നല്‍കണമെന്നും യുവതി ആവശ്യപ്പെടുകയായിരുന്നു.

യുവതി ശബരിമല ദര്‍ശനം നടത്തിയതായി ഇന്നലെ വാര്‍ത്തകള്‍ പുറത്തുവന്നിരുന്നു. എന്നാല്‍ ദര്‍ശനം നടത്തിയിരുന്നില്ലെന്നും പൊലിസ് നിര്‍ബന്ധിച്ച് മടക്കി അയക്കുകയായിരുന്നെന്നുമാണ് പമ്പയില്‍ മടങ്ങിയെത്തിയ ശശികല മാധ്യമങ്ങളോട് പറഞ്ഞത്.