തിരുവനന്തപുരം: പാകിസ്താനിലേക്കയക്കണെന്ന് പറഞ്ഞ മുന്‍ ഡി.ജി.പിയും ബി.ജെ.പി നേതാവുമായ ടി.പി സെന്‍കുമാറിന് മറുപടിയുമായി അഡ്വ. ഹരീഷ് വാസുദേവന്റെ മറുപടി. പാകാസ്താനിലേക്കുള്ള വിസ കിട്ടി ബോധിച്ചെന്നും ടിക്കറ്റ് ഉടന്‍ കിട്ടുമായിരിക്കും അല്ലേ എന്നുമാണ് ഹരീഷിന്റെ മറുപടി. ഫേസ്ബുക്കിലാണ് അദ്ദേഹം പ്രതികരിച്ചിരിക്കുന്നത്. ദൂരെ ദൂരെ പാകിസ്താനില്‍ എന്നു പറഞ്ഞ് തന്റെ ഒരു ഫോട്ടോയും ഹരീഷ് ഷെയര്‍ ചെയ്തിട്ടുണ്ട്.

'പാക്കിസ്ഥാനിലേക്ക് പോകാനുള്ള വിസ കിട്ടി ബോധിച്ചു. ടിക്കറ്റ് കൂടി ഉടനേ കിട്ടുമായിരിക്കും അല്ലേ സാറേ?
BJP സര്‍ക്കാര്‍ എനിക്ക് തന്ന പദ്മഅവാര്‍ഡായി ഞാനിത് സ്വീകരിക്കുന്നു.'- അദ്ദേഹം കുറിച്ചു.

പാലക്കാട്ട് ഒരു പരിപാടിക്കിടെയാണ് സെന്‍കുമാറിന്റെ പരാമര്‍ശം. അഡ്വ. ഹരീഷ് വാസുദേവനെ പാകിസ്താനിലേക്കയക്കണമെന്നായിരുന്നു അദ്ദേഹം പറഞ്ഞത്. പൗരത്വ ഭേദഗതി നിയമത്തിനെതിരായ പ്രതിഷേധം ന്യൂനപക്ഷ വോട്ട് ലക്ഷ്യമിട്ടുള്ളതാണെന്നും അദ്ദേഹം ആരോപിച്ചു.