ചെന്നൈ: മുന്‍കേന്ദ്ര ധനമന്ത്രി പി. ചിദംബരത്തിന്റെ ഭാര്യ നളിനി ചിദംബരത്തെ അറസ്റ്റ് ചെയ്യാനുള്ള എന്‍ഫോഴ്‌സ്‌മെന്റ് ഡയരക്ടറേറ്റ് നീക്കം മദ്രാസ് ഹൈക്കോടതി തടഞ്ഞു. ബംഗാളിലെ ശാരദാ ചിട്ടിഫണ്ട് കേസില്‍ പ്രതിയാണെന്ന് കണ്ടെത്തിയാണ് അവരെ അറസ്റ്റ് ചെയ്യാന്‍ നീക്കം നടത്തിയത്. കള്ളപ്പണ ഇടപാടുമായി ബന്ധപ്പെട്ട് നേരത്തെ തന്നെ എന്‍ഫോഴ്‌സ്‌മെന്റ് ഡയരക്ടറേറ്റ് കേസെടുത്തിരുന്നു. മുതിര്‍ന്ന അഭിഭാഷക കൂടിയായ നളിനി ചിദംബരത്തിനെതിരേ സി.ബി.ഐയും കേസെടുത്തിരുന്നു. ശാരദാ ഗ്രൂപ്പില്‍ നിന്ന് അനധികൃതമായി 1.4 കോടി രൂപ നളിനി കൈപ്പറ്റിയെന്നാണ് ഇവര്‍ക്കെതിരായ കേസ്.