നീണ്ട ഒരു മാസക്കാലത്തെ വ്രതാനുഷ്ഠാനത്തിലൂടെ വിശ്വാസികള്‍ മനസിനെയും ശരീരത്തെയും ഒരുപോലെ ശുദ്ധീകരിക്കുകയാണ്. ഇതുവഴി സദ്പ്രവര്‍ത്തികള്‍ ചെയ്യാന്‍ മനുഷ്യനെ പ്രാപ്തനാക്കുകയും ചെയ്യുന്നു.
നോമ്പിലൂടെ ആത്മീയമേഖല കണ്ടെത്താനും ദൈവത്തോട് കൂടുതല്‍ അടുക്കാനുളള അവസരവും ലഭിക്കുന്നു. സമൂഹത്തിന് നന്മ ചെയ്യാന്‍ പ്രാപ്തമായ മനസ്സുളളവരാക്കി വിശ്വാസികളെ മാറ്റാന്‍ സര്‍വ്വശക്തനായ ദൈവം അനുഗ്രഹിക്കട്ടെ. സഹജീവികളോട് കരുണക്കാട്ടാനും അവരെ സഹായിക്കാനും വിശ്വാസികള്‍ക്ക് ഈ നോമ്പുക്കാലം ഉദകട്ടെ. സമകാലിക ലോകത്ത് പകയുടെയും വിദ്വേഷത്തിന്റെയും മൂടുപടം മാറ്റി സമാധാനത്തിന്റെയും ശാന്തിയുടെയും നല്ലനാളുകളെ സൃഷ്ടിക്കാന്‍ നോമ്പുക്കാലം ഫലപ്രദമായി ഉപയോഗിക്കണം.
ലോകത്ത് സംയമനത്തിന്റെ മതമായാണ് ഇസ്ലാം അറിയപ്പെടുന്നത്. മതേതരത്വത്തിന്റെയും സഹിഷ്ണുതയുടെയും മതത്തിന് അതിന്റെ നന്മ നിലനിര്‍ത്താന്‍ ഈ നോമ്പുക്കാലം ഉദകട്ടെയെന്നും പ്രര്‍ഥിക്കുന്നു.