കൊല്ലം: കശുവണ്ടി കോര്‍പറേഷന്‍ അഴിമതിക്കേസില്‍ മുന്‍ ചെയര്‍മാനും ഐ.എന്‍.ടി.യു.സി സംസ്ഥാന പ്രസിഡന്റുമായ ആര്‍. ചന്ദ്രശേഖരനെ ഒന്നാം പ്രതിയാക്കി വിജിലന്‍സ് എഫ്.ഐ.ആര്‍. കോര്‍പറേഷന്‍ എം.ഡിയായിരുന്ന കെ.എ രതീഷിനെ രണ്ടാം പ്രതിയാക്കിയിട്ടുണ്ട്.
ഇറക്കുമതി ക്രമക്കേടില്‍ ജെ.ജെ.എം ട്രഡേഴ്‌സ് എം.ഡി ജയ്‌മോന്‍ ജോസഫ്, തോട്ടണ്ടിയുടെ ഗുണനിലവാരം പരിശോധിച്ച ഉദ്യോഗസ്ഥന്‍ എസ്. ഭുവനചന്ദ്രന്‍ എന്നിവരെയും പ്രതിചേര്‍ത്തു. ഓണക്കാലത്തു മുപ്പതു കോടി രൂപയുടെ കശുവണ്ടിയാണ് ഇറക്കുമതി ചെയ്തത്.
കശുവണ്ടി ഇറക്കുമതിയില്‍ കോടികളുടെ അഴിമതിയുണ്ടെന്ന പരാതിയിലാണ് കേസ്. 2015 ഓഗസ്റ്റില്‍ 30 കോടിയുടെ കശുവണ്ടി ഇറക്കുമതി ചെയ്തതില്‍ അഴിമതി നടന്നിട്ടുണ്ടോയെന്നാണ് അന്വേഷിച്ചിരുന്നത്.
30 കോടിയുടെ തോട്ടണ്ടി വാങ്ങിയതില്‍ 2.83 കോടിയുടെ ക്രമക്കേടു നടന്നതായാണ് വിജിലന്‍സ് അന്വേഷണത്തില്‍ കണ്ടെത്തിയത്.