ദോഹ: മാനഭംഗത്തിനു വിധേയമായെന്നു ആരോപിച്ച് രംഗത്തുവന്ന ഡച്ച് യുവതി കുറ്റക്കാരിയാണെന്ന് ഖത്തര്‍ കോടതി. മാനഭംഗപ്പെടുത്തി എന്നു പറയുന്ന യുവാവുമായി യുവതി ശാരീരിക ബന്ധം പുലര്‍ത്തിയതിനു ശേഷം ഇയാള്‍ക്കെതിരേ പരാതിയുമായി രംഗത്തു വരുകയായിരുന്നുവെന്ന് കോടതി പറഞ്ഞു. യുവതിക്ക് ഒരു വര്‍ഷം തടവും ശേഷം സ്വദേശത്തേക്ക് നാടുകടത്തുകയും ചെയ്യും.പ്രതിയാണെന്നു കണ്ടെത്തിയ യുവാവിനെ ഇസ്‌ലാമിക വിധിപ്രകാരം 100 അടിക്ക് വിധേയമാക്കും. ഇതിനു പുറമെ പരസ്യമായി മദ്യപിച്ചതിന് 40 അടിയും ശിക്ഷയായി ലഭിക്കും. ഉമര്‍ അബ്ദുല്ല  അല്‍ ഹുസൈന്‍ എന്ന യുവാവ് സിറിയന്‍ സ്വദേശിയാണെന്ന് കോടതി വൃത്തങ്ങള്‍ പറഞ്ഞു. വ്യഭിചാരം ഇസ്‌ലാമിക വിശ്വാസപ്രകാരം മാരകമായ കുറ്റമാണ്. മുസ്‌ലിമല്ലാത്തതിനാലാണ് യുവതിക്ക് ഒരുവര്‍ഷത്തേക്ക് ശിക്ഷവിധിച്ചതെന്നും അല്ലെങ്കില്‍ അഞ്ചു വര്‍ഷത്തോളം തടവും, അടിയും ശിക്ഷ ലഭിക്കുമായിരുന്നെന്നും ഇത്തരം കുറ്റകൃത്യങ്ങളില്‍പ്പെടുന്നവര്‍ക്ക് ഖത്തര്‍വിട്ടു പോകാന്‍ കഴിയില്ലെന്നും കോടതി ഔദ്യോഗിക മേധാവി അറിയിച്ചു.