പേരാവൂര്‍: വ്യത്യസ്ത വാഹനാപകടങ്ങളില്‍ മൂന്നുപേര്‍ക്ക് പരുക്കേറ്റു. സൈക്കിള്‍ യാത്രികനായ വിദ്യാര്‍ഥിയെ രക്ഷിക്കാന്‍ ശ്രമിക്കുന്നതിനിടെ ബൈക്ക് ഗുഡ്‌സ് വാഹനത്തിലിടിച്ച് അപകടത്തില്‍പ്പെട്ടു. അപകടത്തില്‍ ബൈക്ക് യാത്രികനും വിദ്യാര്‍ഥിക്കും പരുക്കേറ്റു. പുതുശേരി സ്വദേശി ആദര്‍ശിനും വിദ്യാര്‍ഥി ബംഗ്ലക്കുന്ന് ഷാനുവിനുമാണ് പരുക്കേറ്റത്. ആദര്‍ശിനെ തലശ്ശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇരിട്ടി, പേരാവൂര്‍ റോഡില്‍ മുരിങ്ങോടിക്ക് സമീപത്തായിരുന്നു അപകടം.
നിടുംപൊയില്‍: പശ്ചിമ ബംഗാളില്‍ നിന്നും അരികയറ്റി കണ്ണൂരിലേക്ക് വരികയായിരുന്നു ലോറി നിയന്ത്രണം വിട്ട് മറിഞ്ഞു. നിടുംപൊയില്‍ മാനന്തവാടി റോഡിലാണ് അപകടം. ലോറിയിലുണ്ടായിരുന്നവര്‍ നിസാര പരുക്കുകളോടെ രക്ഷപ്പെട്ടു. വെള്ളിയാഴ്ച രാവിലെ ആറോടെയാണ് അപകടം.
കൂത്തുപറമ്പ്: റബ്ബര്‍മരം കയറ്റി വരികയായിരുന്ന ലോറി റോഡരികിലേക്ക് മറിഞ്ഞ് അപകടം. തൊക്കിലങ്ങാടിക്കടുത്ത് പാലായി വളവിലാണ് ഇന്നലെ വൈകിട്ടു നാലോടെയാണ് അപകടം. ഡ്രൈവര്‍ പരുക്കേല്‍ക്കാതെ രക്ഷപ്പെട്ടു. സമീപത്തെ സ്‌കൂള്‍ വിട്ട സമയമായതിനാല്‍ റോഡിലൂടെ വിദ്യാര്‍ഥികള്‍ നടന്നു പോകുന്നുണ്ടായിരുന്നെങ്കിലും ഓടി മാറിയതിനാല്‍ വന്‍ അപകടം ഒഴിവായി.