പള്ളിക്കല്‍: കാക്കഞ്ചേരിയിലെ കിന്‍ഫ്ര ഇന്‍ഡസ്ട്രിയല്‍ പാര്‍ക്കിലെ കാടുകളില്‍ തീ പിടുത്തം പതിവാകുന്നു. ഇന്നലെ വൈകിട്ട് ആറോടെയുണ്ടായ തീ പിടുത്തത്തില്‍ അഞ്ച് ഹെക്ടറിലധികം സ്ഥലത്തെ കുറ്റിക്കാടുകളും ചെറു മരങ്ങളും കത്തിനശിച്ചു. പാര്‍ക്കിനുള്ളിലെ സ്ഥാപനങ്ങളില്‍ നിന്നും ഒഴിവാക്കുന്ന ചപ്പുചവറുകള്‍ക്ക് തീയിട്ടതില്‍ നിന്നും തീ പടര്‍ന്നതാകാമെന്നാണ് നിഗമനം. അസി.സ്റ്റേഷന്‍ ഓഫിസര്‍ എം.കെ പ്രമോദ് കുമാര്‍, നരായണന്‍ നമ്പൂതിരി എന്നിവരുടെ നേതൃത്വത്തില്‍ കോഴിക്കോട് മീഞ്ചന്തയില്‍ നിന്നു അഗ്നിശമന സേനയെത്തിയാണ് തീയണച്ചത്.
കുന്നിന്‍ ചെരു പ്രദേശമായതിനാലും ഇരുട്ട് വ്യാപിച്ചതിനാലും തീയണക്കാന്‍ ഏറെ പ്രയാസപ്പെടേണ്ടി വന്നു. തീ തൊട്ടടുത്തുള്ള ജനവാസ പ്രദേശത്തേക്ക് പടരാതിരുന്നത് രക്ഷയായി.