മലപ്പുറം: രാജ്യത്തിന്റെ വിദ്യാഭ്യാസ നവോത്ഥാനത്തിന് ശക്തിപകരാന്‍ അധ്യാപക സമൂഹം മുന്നോട്ട് വരണമെന്ന് മുസ്‌ലിംലീഗ് സംസ്ഥാന അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍. മലപ്പുറത്ത് നടക്കുന്ന കേരള ഹയര്‍സെക്കന്‍ഡറി ടീച്ചേഴ്‌സ് യൂനിയന്‍ സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സംസ്ഥാന പ്രസിഡന്റ് കെ.ടി അബ്ദുല്‍ ലത്തീഫ് അധ്യക്ഷത വഹിച്ചു. കെ.പി.എ മജീദ്, അഡ്വ.കെ.എന്‍.എ ഖാദര്‍, ഒ.ഷൗക്കത്തലി, എ.കെ സൈനുദ്ദീന്‍, അന്‍വര്‍ മുള്ളമ്പാറ പ്രസംഗിച്ചു. വനിതാ മീറ്റ് മലപ്പുറം നഗരസഭാ ചെയര്‍പേഴ്‌സണ്‍ സി.എച്ച് ജമീല ടീച്ചര്‍ ഉദ്ഘാടനം ചെയ്തു. ജമീല ബീഗം അധ്യക്ഷയായി.
യാത്രയയപ്പ് സമ്മേളനം പ്രിന്‍സിപ്പല്‍ ഫോറം ചെയര്‍മാന്‍ എം.എം ഷാഫി ഉദ്ഘാടനം ചെയ്തു. സജിജോസഫ് അധ്യക്ഷത വഹിച്ചു.
സമ്മേളനത്തില്‍ എം.കെ പ്രേമചന്ദ്രന്‍ എം.പി. മുഖ്യപ്രഭാഷണം നടത്തി. അധ്യാപക പ്രകടനത്തോടെ സമ്മേളനം ഇന്ന് സമാപിക്കും.