കൊച്ചി:  കലൂരില്‍ മോഷണം വ്യാപകം. കഴിഞ്ഞ ദിവസം അനുപമ ടെക്സ്റ്റയില്‍സില്‍ നിന്നും 50,000 രൂപയോളം വിലവരുന്ന തുണിത്തരങ്ങളും ഏകദേശം രണ്ടായിരം രൂപയും മോഷണം പോയി.
കഴിഞ്ഞദിവസം കലൂര്‍ മണപ്പാട്ടിപ്പറമ്പിനടുത്തുള്ള മുസ്‌ലിം പള്ളിയുടെ കെട്ടിടത്തിലെ ഫാസ്റ്റ്ഫുഡ് കടയിലും മോഷണം നടന്നു. ഇവിടത്തെ സി.സി.ടി.വിയില്‍ മോഷ്ടാക്കള്‍ കുടുങ്ങിയിട്ടുണ്ട്. കഴിഞ്ഞമാസം മസ്ജിദിലും മോഷണശ്രമമുണ്ടായി.
മോഷണം മിക്കപ്പോഴും പുലര്‍ച്ചെയാണ്. രാത്രികാല പൊലിസ് പട്രോളിങ് കാര്യക്ഷമമാക്കണമെന്നാണു കേരള വ്യാപാരി വ്യവസായി ഏകോപന സമിതിയുടെ ആവശ്യം.
ഇതു സംബന്ധിച്ചു കലൂര്‍ യൂണിറ്റ്  നോര്‍ത്ത് സര്‍ക്കിള്‍ ഇന്‍സ്‌പെക്ടര്‍ക്കും സബ് ഇന്‍സ്‌പെക്ടര്‍ക്കും സംഘടന പരാതി നല്‍കി.