കൊല്ലം: ദേശീയ ജൂനിയര്‍ വനിതാ ഹോക്കി ചാംപ്യന്‍ഷിപ്പില്‍ കേരളത്തിന് രണ്ടാം ജയം. ഗുജറാത്തിനെയാണ് എതിരില്ലാത്ത നാലുഗോളുകള്‍ക്ക് കേരളം തറപറ്റിച്ചത്.

മൂന്നാം മിനുട്ടില്‍ കേരളത്തിന് വേണ്ടി ബിന്‍സി ആദ്യ ഗോള്‍ നേടി. തെലങ്കാനക്കെതിരേയുള്ള കേരളത്തിന്റെ ആദ്യ മത്സരത്തിലെ വിജയ ശില്‍പിയായ രേവതി ഐ. നായര്‍ കേരളത്തിനായി ഹാട്രിക് നേടി. കേരളത്തിന്റെ അടുത്ത മത്സരം നാളെ സ്‌പോര്‍ട്‌സ് അതോറിറ്റി ഗുജറാത്തിനോടാണ്.