തിരുവനന്തപുരം: കൊല്ലത്തിനടുത്ത് പുഴയില്‍ മരിച്ച നിലയില്‍ കണ്ടെത്തിയ ദേവനന്ദയുടെ മരണകാരണം മുങ്ങി മരണമെന്ന് പോസ്റ്റുമോര്‍ട്ടം റിപ്പോര്‍ട്ടില്‍ സൂചന. ആന്തരികാവയവങ്ങളില്‍ ചെളിയും വെള്ളവും മാത്രമാണ് കണ്ടെത്താനായത്. ആരുമായെങ്കിലും ബലപ്രയോഗം നടത്തിയതിന്റെ ലക്ഷണങ്ങള്‍ കണ്ടെത്താനായിട്ടില്ല.
എങ്കിലും ആന്തരികാവയവങ്ങള്‍ രാസ പരിശോധനക്ക് അയച്ചിട്ടുണ്ട്. ഇതിന്റെ പരിശോധനാഫലങ്ങള്‍ പുറത്തുവന്നാലേ യഥാര്‍ഥ കാരണങ്ങള്‍ വ്യക്തമാവൂ. എങ്കിലും നാട്ടുകാരുടെ സംശയങ്ങള്‍ തീരുന്നില്ല.
ഇപ്പോള്‍ വെള്ളത്തില്‍ വീണതുകൊണ്ടുണ്ടായ മുങ്ങിമരണമാണെന്ന നിഗമനത്തിലാണ് ഡോക്ടര്‍മാര്‍. എങ്കിലും വിശദമായ അന്വേഷണം നടത്താന്‍ തന്നെയാണ് അന്വേഷണ ഉദ്യോഗസ്ഥരുടെ തീരുമാനം.
അതേ സമയം പോസ്റ്റുമോര്‍ട്ടം നടപടകള്‍ പൂര്‍ത്തിയായി. കുട്ടിയുടെ മൃതശരീരവുമായി നാട്ടിലേക്കു തിരിച്ചിട്ടുണ്ട്.