ലഖ്‌നോ: വാരണാസിയില്‍ പ്രധാനമന്ത്രി നരേന്ദ്ര മോദി നടത്തിയ റോഡ് ഷോ തെരഞ്ഞെടുപ്പ് ചട്ടം ലംഘിച്ചാണ് നടത്തിയതെന്ന് ബി.എസ്.പി നേതാവ് മായാവതി. ഇന്നലെ ലഖ്‌നോയില്‍ പുറത്തിറക്കിയ പ്രസ്താവനയിലാണ് മായാവതി ഈ ആരോപണം ഉന്നയിച്ചത്.
ഉത്തര്‍പ്രദേശില്‍ സുതാര്യമായ രീതിയില്‍ തെരഞ്ഞെടുപ്പ് നടത്തുന്നതിന് സാഹചര്യമൊരുക്കാതെ തെരഞ്ഞെടുപ്പ് കമ്മിഷനെ വെല്ലുവിളിച്ചുകൊണ്ടാണ് റോഡ് ഷോ നടത്തിയത്. ഇക്കാര്യത്തില്‍ കമ്മിഷന്‍ അടിയന്തരമായി ഇടപെടണമെന്ന്് അവര്‍ ആവശ്യപ്പെട്ടു.