വാഷിങ്ടണ്‍: കൊറോണ വൈറസ് ബാധിച്ച് യു.എസില്‍ മരിച്ചവരുടെ എണ്ണം 12 ആയി. കിങ് കൗണ്ടിയിലാണ് അവസാന മരണം റിപ്പോര്‍ട്ട് ചെയ്തത്.

11 പേരും മരിച്ചത് വാഷിങ്ടണ്‍ സ്റ്റേറ്റിലും ഒരാള്‍ കാലിഫോര്‍ണിയയിലുമാണ്.

129 പേര്‍ക്കാണ് യു.എസില്‍ കൊറോണ ബാധ സ്ഥിരീകരിച്ചത്. ഇത് 225 ആയിട്ടുണ്ടെന്നും ചില റിപ്പോര്‍ട്ടുകളുണ്ട്.

ആഗോളതലത്തില്‍ 95,000 പേര്‍ക്കാണ് കൊറോണ ബാധ സ്ഥിരീകരിച്ചത്. ചൈനയിലാണ് ഏറ്റവും കൂടുതല്‍ ബാധിച്ചിരിക്കുന്നത്. ചൈനയില്‍ 3015 പേര്‍ കൊറോണ ബാധിച്ച് മരിച്ചു. മറ്റു ലോകരാജ്യങ്ങളിലായി 267 പേരാണ് ഇതുവരെ മരിച്ചത്. ഇറ്റലിയിലും ഇറാനിലുമാണ് ചൈന കഴിഞ്ഞാല്‍ കൂടുതല്‍ മരണം.