തൊടുപുഴ: പ്രമുഖ മതപണ്ഡിതനും എഴുത്തുകാരനും വാഗ്മിയും ജംഇയ്യത്തുല്‍ ഉലമാ എഹിന്ദ് സംസ്ഥാന രക്ഷാധികാരിയുമായിരുന്ന കാഞ്ഞാര്‍ കണ്ടത്തില്‍ മുഹമ്മദ് ഹുസൈന്‍ മളാഹിരി (കാഞ്ഞാര്‍ ഹുസൈന്‍ മൗലാന-82) അന്തരിച്ചു. തബ്‌ലീഗ് ജമാഅത്ത് അഖിലേന്ത്യാ അമീറായിരുന്ന പരേതനായ കാഞ്ഞാര്‍ മൂസാ മൗലാനയുടെ സഹോദരനാണ്.
ദാറുല്‍ ഉലൂം ദയൂബന്ത്, സഹാറന്‍പൂര്‍ എന്നിവിടങ്ങളില്‍ പഠനം പൂര്‍ത്തിയാക്കി. ബഹുഭാഷാ പണ്ഡിതനായിരുന്നു. ജംഇയ്യത്തുല്‍ ഉലമാ എ ഹിന്ദ് സംസ്ഥാന പ്രസിഡന്റും സെക്രട്ടറിയുമായി ദീര്‍ഘകാലം പ്രവര്‍ത്തിച്ചിരുന്നു. ജാമിഅ ഹസനിയ അറബിക് കോളജ് മുഹ്തമിം, റാവുത്തര്‍ ഫെഡറേഷന്‍ മുഖ്യ രക്ഷാധികാരി എന്നീ സ്ഥാനങ്ങള്‍ വഹിച്ചിട്ടുണ്ട്. ജാമിഅ മളാഹുല്‍ ഉലൂം സേലം, ജാമിഅ യൂസുഫിയ അറബിക് കോളജ് ഡിണ്ടുക്കല്ല്, ജാമിഅ കൗസരിയ എടത്തല, ജാമിഅ ഹിദായത്തുല്‍ ഇസ്‌ലാം കാഞ്ഞിരപ്പള്ളി എന്നീ സ്ഥാപനങ്ങളില്‍ മുദരിസ് ആയി സേവനം അനുഷ്ഠിച്ചിരുന്നു. കുടയത്തൂര്‍ പുത്തന്‍വീട്ടില്‍ ഫാത്തിമ ബീവിയാണ് ഭാര്യ. മക്കള്‍: മുഹമ്മദ് റഫീഖ് കൗസരി (പത്തനാപുരം), മുനീര്‍ മൗലവി നജ്മി (കാഞ്ഞാര്‍), സുഹൈല്‍ ഖാസിമി(കാഞ്ഞാര്‍), അമീന്‍ (വാട്ടര്‍ അതോറിട്ടി,തൊടുപുഴ), സുമയ്യ ബീവി, മുഹ്‌സിന ബീവി, മരുമക്കള്‍: ഫാത്തിമ ബീവി (പത്തനംതിട്ട), ഷക്കീല ബീവി (വണ്ടിപ്പെരിയാര്‍),സുആദ (ഈരാറ്റുപേട്ട), ഷാഹിദ(കണ്ണൂര്‍), ഫസലുല്‍ ഹഖ് മൗലവി, സാദിഖ് (കങ്ങഴ). കുടയത്തൂര്‍ മുഹ്‌യിദ്ദീന്‍ ജുമാമസ്ജിദ് ഖബര്‍സ്ഥാനില്‍ ഖബറടക്കി.