മട്ടാഞ്ചേരി: വയോജനങ്ങളുടെ ക്ഷേമം ലക്ഷ്യം വച്ച് നഗരസഭ പകല്‍ വീടുകളുടെ പ്രവര്‍ത്തനം ഊര്‍ജിതപ്പെടുത്തുമെന്ന് മേയര്‍ സൗമിനി ജെയിന്‍ പറഞ്ഞു. ഫോര്‍ട്ടുകൊച്ചി താലൂക്ക് ആശുപത്രിയില്‍ നഗരസഭ വക പകല്‍ വീടിന്റെ ഒന്നാം വാര്‍ഷികം ഉദ്ഘാടനം ചെയ്യുകയായിരുന്നു മേയര്‍. വയോജനങ്ങള്‍ക്കായി സന്നദ്ധ സംഘടനകളുടെ സഹകരണത്തോടെ മെട്രോ,വിമാന യാത്രകള്‍ക്ക് സൗകര്യമൊരുക്കുന്ന പദ്ധതികള്‍ ആവിഷ്‌ക്കരിച്ചു വരികയാണെന്നും മേയര്‍ പറഞ്ഞു.
നഗരസഭ സ്റ്റാന്‍ഡിങ് കമ്മിറ്റി ചെയര്‍മാന്‍ എ.ബി.സാബു അധ്യക്ഷത വഹിച്ചു. കൗണ്‍സിലര്‍ സീനത്ത് റഷീദ്, മുന്‍ കൗണ്‍സിലര്‍മാരായ അഗസ്റ്റസ് സിറിള്‍, ആര്‍.നവീന്‍കുമാര്‍, ഫോര്‍ട്ടുകൊച്ചി സര്‍ക്കിള്‍ ഇന്‍സ്‌പെക്ടര്‍ പി.രാജ് കുമാര്‍, പി.എം സുബൈര്‍ എന്നിവര്‍ സംസാരിച്ചു.