തിരുവനന്തപുരം: മാതൃരാജ്യത്തിന്റ പരമാധികാരത്തെ വെല്ലുവിളിച്ചുകൊണ്ട് നിയമവിരുദ്ധമായി നിലനില്‍ക്കുന്ന ബ്രിട്ടീഷ് കമ്പനികളുടെ ഏജന്റുമാരായി രാജ്യത്തിന്റെ സമ്പത്ത് കൊള്ളയടിക്കുന്ന വന്‍ പ്ലാന്റേഷന്‍ കമ്പനികള്‍ക്ക് അനുകൂലമായി അധികാര ദുര്‍വിനിയോഗം നടത്തി ഒത്താശ ചെയ്തു വരുന്ന നിയമവകുപ്പ് സെക്രട്ടറി, റവന്യൂ സെക്രട്ടറി ഉള്‍പ്പെടെയുള്ളവരുടെ പേരില്‍ സി.ബി.ഐ, എന്‍ഫോഴ്‌സ്‌മെന്റ് ഡയരക്ടറേറ്റ് പോലുള്ള കേന്ദ്ര ഏജന്‍സികളുടെ അന്വേഷണം നടത്തണമെന്ന് ആവശ്യപ്പെട്ട് കെ.പി.സി.സി മുന്‍ അധ്യക്ഷന്‍ വി.എം സുധീരന്‍ പ്രധാനമന്ത്രിക്ക് കത്തയച്ചു. രാജ്യത്തിന്റെ സമ്പത്ത് കൊള്ളയടിക്കുന്നവര്‍ക്ക് വഴങ്ങുക വഴി കൃത്യവിലോപം നടത്തുന്ന ഇത്തരം ഉദ്യോഗസ്ഥരേയും മറ്റുള്ളവരെയും നിയമാനുസൃതമായ നടപടികള്‍ക്ക് വിധേയരാക്കണം.
അതിലൂടെ രാജ്യത്തിന്റെ സമ്പത്ത് സംരക്ഷിക്കപ്പെടണമെന്നും പ്രധാനമന്ത്രിക്ക് അയച്ച കത്തില്‍ പറയുന്നു.