കൊച്ചി: ബ്യൂട്ടി പാര്‍ലര്‍ വെടിവയ്പ് കേസിലെ മൂന്നാം പ്രതിയും ആഫ്രിക്കന്‍ രാജ്യമായ സെനഗലില്‍ പിടിയിലായ അധോലോക കുറ്റവാളിയുമായ രവി പൂജാരിയെ വിട്ടുകിട്ടണമെന്നാവശ്യപ്പെട്ട് കൊച്ചി സിറ്റി പൊലിസ് ഇന്റര്‍പോളിന് കത്തയച്ചു. വെടിവയ്പ് കേസില്‍ രവി പൂജാരി പ്രധാന പ്രതിയാണെന്നും തെളിവെടുപ്പിനും മറ്റുമായി വിട്ടുകിട്ടണമെന്നും ആവശ്യപ്പെട്ടാണ് സിറ്റി പൊലിസ് ഇന്റര്‍പോളിന് കത്തയച്ചിരിക്കുന്നത്. പൂജാരിയെ ഇന്ത്യയിലെത്തിച്ചാല്‍ ആദ്യം കേരള പൊലിസിന് കൈമാറേïതിന്റെ ആവശ്യകതയും കത്തില്‍ വ്യക്തമാക്കുന്നു. കേസില്‍ രവി പൂജാരി ഉള്‍പ്പെട്ടതിന്റെ വ്യക്തമായ തെളിവുകള്‍ അടക്കം വിശദീകരിക്കുന്ന കത്താണ് കേന്ദ്ര ഏജന്‍സി വഴി ഇന്റര്‍പോളിന് അയച്ചിരിക്കുന്നതെന്ന് പൊലിസ് വൃത്തങ്ങള്‍ വ്യക്തമാക്കി.

അതേസമയം, ഇയാള്‍ നിരവധി സുപ്രധാന കേസുകളില്‍ പ്രതിയായതിനാല്‍ ഇന്ത്യയിലെത്തിച്ചാല്‍ ഉടനടി തങ്ങള്‍ക്ക് കൈമാറണമെന്ന സംസ്ഥാന പൊലിസിന്റെ ആവശ്യം നടപ്പിലാകാന്‍ നിലവില്‍ പ്രായോഗിക ബുദ്ധിമുട്ടുകള്‍ ഉï്. ഇത് മുന്‍കൂട്ടികïാണ് ആദ്യം തന്നെ ഇന്റര്‍പോളിനെ സമീപിക്കാന്‍ അന്വേഷണ സംഘം തീരുമാനിച്ചത്. കഴിഞ്ഞ ഡിസംബര്‍ 15നാണ് കൊച്ചി പനമ്പള്ളി നഗറില്‍ നടി ലീന മരിയ പോളിന്റെ ബ്യൂട്ടിപാര്‍ലറിലേക്ക് അജ്ഞാത സംഘം വെടിയുതിര്‍ത്തത്. അക്രമികള്‍ രവി പൂജാരിയെന്ന് ഹിന്ദിയില്‍ എഴുതിയ പേപ്പറും സംഭവ സ്ഥലത്ത് ഉപേക്ഷിച്ചിരുന്നു.
പ്രാഥമിക അന്വേഷണത്തില്‍ കേസ് വഴിത്തിരിച്ചുവിടുന്നതിനുള്ള നീക്കമായാണ് രവി പൂജാരിയുടെ പേര് ഉള്‍ക്കൊള്ളിച്ചതെന്ന് പൊലിസ് കണക്കുകൂട്ടി. എന്നാല്‍ സ്വകാര്യ ചാനലുകളിലേക്ക് രവി പൂജാരി തന്നെ ഫോണ്‍ വിളിച്ച് വെടിവച്ചത് തന്റെ സംഘമാണെന്ന് പറഞ്ഞതോടെ പൊലിസ് ആശയക്കുഴപ്പത്തിലായി. പിന്നീട് ശബ്ദ സാമ്പിളുകള്‍ പരിശോധിച്ച് വിളിച്ചത് പൂജാരി തന്നെയെന്ന് ഉറപ്പിച്ചു. ഇതിനിടിയില്‍ വെടിയുതിര്‍ത്ത പ്രതികളെ പോലും കïെത്താനാകാതെ അന്വേഷണം വഴി മുട്ടിയ സാഹചര്യവുമുïായി. ലീന മരിയ പോള്‍ ഉള്‍പ്പെട്ട സാമ്പത്തിക ഇടപാടുകളിലേക്ക് കേസ് പോകുമെന്ന ഘട്ടത്തില്‍ ഉന്നതങ്ങളില്‍ നിന്നുïായ ഇടപെടലോടെ അന്വേഷണം എങ്ങുമെത്തിയതുമില്ല. ഈ ഘട്ടത്തിലാണ് അപ്രതീക്ഷിതമായി രവി പൂജാരി ഇന്റര്‍പോളിന്റെ വലയിലാകുന്നത്.