സംസ്ഥാനത്തെ പൊതുവിദ്യാലയങ്ങളില്‍ എസ്.എസ്.എല്‍.സി, ഹയര്‍സെക്കന്‍ഡറി പരീക്ഷകള്‍ മാറ്റിവച്ചു. എട്ട്, ഒമ്പത് ക്ലസുകളിലെ ബാക്കിയുള്ള പരീക്ഷകള്‍ വേണ്ടെന്നുവച്ചു.

 

 

കേരള സര്‍വകലാശാല നടത്തുന്ന എല്ലാ പരീക്ഷകളും മാറ്റി. ഇന്നും 28നും കേരള നടത്താനിരുന്ന പാര്‍ട് 3 ബി.എ അഫ്‌ളലുല്‍ ഉലമ,  ബി.കോം ബിരുദ പരീക്ഷകള്‍ മാറ്റിവച്ചു. പുതുക്കിയ തീയതി പിന്നീട്.  മഹാത്മാഗാന്ധി, കണ്ണൂര്‍, കാലിക്കറ്റ്, ആരോഗ്യ സര്‍വകലാശാലകളിലെ പരീക്ഷകളാണ് മാറ്റിയത്.

 

 

ഇന്ത്യന്‍ സ്‌കൂള്‍ സര്‍ട്ടിഫിക്കറ്റ് എക്‌സാമിനേഷന്‍ കൗണ്‍സില്‍ ഐ.സി.എസ്.ഇ, ഐ.എസ്.സി  പരീക്ഷകളും മാറ്റിവച്ചു. 

31 വരെയുള്ള പരീക്ഷകളാണ് മാറ്റിയത്. ഷെഡ്യൂള്‍ പ്രകാരം ഐ.സി.എസ്.ഇ (ക്ലാസ് 10) 30നും  ഐ.എസ്.ഇ (ക്ലാസ് 12 ) പരീക്ഷകള്‍ 31 നും അവസാനിക്കേണ്ടതായിരുന്നു. 

 

 

ഐ.സി.എസ്.ഇ നടത്തിയ പരീക്ഷകളുടെ ഉത്തരക്കടലാസ് മൂല്യനിര്‍ണയം അധ്യാപകരുടെ വീടുകളിലിരുന്ന് നടത്താന്‍ അനുമതി നല്‍കി

 

 

സി.ബി.എസ്.ഇ 10,12 ക്ലാസുകളില്‍ അവശേഷിക്കുന്ന ബോര്‍ഡ് പരീക്ഷകള്‍ മാറ്റിവയ്ക്കാന്‍ ബുധനാഴ്ച വൈകിട്ട് തീരുമാനിച്ചിരുന്നു. കേരളത്തില്‍ സി.ബി.എസ്.ഇയുടെ 10ാം ക്ലാസ് പരീക്ഷ പൂര്‍ത്തിയായിട്ടുണ്ട്.

 12ാം ക്ലാസില്‍ സി.ബി.എസ്.ഇയുടെ  കൊമേഴ്‌സ്, ആര്‍ട്‌സ് സ്ട്രീം പരീക്ഷകള്‍ ബാക്കിയുണ്ട്. 

 

 

നിലവില്‍ പരീക്ഷകളില്ല. 31 വരെ അവധി പ്രഖ്യാപിച്ച സാഹചര്യത്തില്‍ സാങ്കേതിക സര്‍വകലാശാലക്കു കീഴിലുള്ള വിദ്യാര്‍ഥികള്‍ക്കു മേയില്‍ നടക്കുന്ന സെമസ്റ്റര്‍ പരീക്ഷകളുടെയും അതോടൊപ്പം നടക്കുന്ന സപ്ലിമെന്ററി പരീക്ഷകളുടെയും തയ്യാറെടുപ്പിനു പ്രത്യേക പഠനാവധി അനുവദിക്കില്ല. പുതുക്കിയ കലണ്ടര്‍ പ്രകാരം ബി.ടെക് പരീക്ഷകള്‍ മെയ് 18ന് ആരംഭിക്കും. ഇപ്പോഴത്തെ അവധി ഫലപ്രദമായി ഉപയോഗിക്കണമെന്ന് സര്‍വകലാശാല അറിയിച്ചു.

 

 

ഇന്ന് നടത്താന്‍ നിശ്ചയിച്ച ഐ.ഇ.എല്‍.ടി.എസ് പരീക്ഷ മാറ്റിവച്ചതായി ഐ.ഡി.പി അറിയിച്ചു. പരീക്ഷക്കു റജിസ്റ്റര്‍ ചെയ്ത മുഴുവന്‍ പേരെയും വിവരം ഇ മെയില്‍ വഴി അറിയിച്ചു. പ്രത്യേക ഫീസ് ഇല്ലാതെ പുതിയ പരീക്ഷാ തീയതി തിരഞ്ഞെടുക്കാനുള്ള അവസരവും ഉണ്ട്. ഇതിനകം 250 പേര്‍ പുതിയ തീയതി തെരഞ്ഞെടുത്തതായും ഐ.ഡി.പി അറിയിച്ചു.

 

 

ഏപ്രില്‍ 14 വരെ നടത്താനിരുന്ന ഒ.എം.ആര്‍ പരീക്ഷകള്‍, കായികക്ഷമതാ പരീക്ഷകള്‍,  31 വരെയുളള വകുപ്പുതല ഓണ്‍ലൈന്‍ പരീക്ഷകള്‍,  പ്രമാണപരിശോധന എന്നിവ മാറ്റിവച്ചു. ഏപ്രില്‍ 14 വരെയുള്ള എല്ലാ അഭിമുഖങ്ങളും മാറ്റിയിട്ടുണ്ട്. പുതുക്കിയ തീയതി പിന്നീട്. 

 

 

നാഷനല്‍ ടെസ്റ്റിങ് ഏജന്‍സി നടത്തുന്ന ജെ.ഇ.ഇ മെയിന്‍ ഏപ്രില്‍ സെഷന്‍ പരീക്ഷകള്‍ മാറ്റിയിട്ടുണ്ട്. എന്നാല്‍ സ്ഥിതി വിലയിരുത്തിയശേഷം പുതുക്കിയ തീയതി 31ന് തീരുമാനിക്കും.

നാഷനല്‍ ഓപ്പണ്‍ സ്‌കൂളിങ് 

നാഷനല്‍ ഇന്‍സ്റ്റിറ്റ്യൂട്ട് ഓഫ് ഓപ്പണ്‍ സ്‌കൂളിങ് (എന്‍.ഐ.ഒ.എസ്) 31 വരെ നടത്താന്‍ നിശ്ചയിച്ച സെക്കന്‍ഡറി, സീനിയര്‍ സെക്കന്‍ഡറി  പ്രാക്ടിക്കല്‍ പരീക്ഷകള്‍ മാറ്റി.

അസൈന്‍മെന്റ് തിയതി നീട്ടി 

ഇന്ദിരാഗാന്ധി ഓപ്പണ്‍ യൂനിവേഴ്‌സിറ്റിയുടെ ജൂണിലെ പരീക്ഷകള്‍ക്കുള്ള അസൈന്റ്‌മെന്റ് സമര്‍പ്പിക്കാനുള്ള തീയതി ഏപ്രില്‍ 30 വരെ നീട്ടി. 

 

 

കൊച്ചി രാജ്യാന്തര വിമാനത്താവളക്കമ്പനി (സിയാല്‍) സംസ്ഥാനത്തെ അന്‍പതോളം കേന്ദ്രങ്ങളില്‍ നടത്താന്‍ നിശ്ചയിച്ചിരുന്ന ജൂനിയര്‍ അസിസ്റ്റന്റ് ഗ്രേഡ് 2 പരീക്ഷ മാറ്റിവച്ചു. പുതുക്കിയ തീയതി പിന്നീട്.