റിയാദ്: സഊദിയില്‍ സ്വദേശികള്‍ക്ക് തൊഴില്‍ നല്‍കുന്നതിന് കൊണ്ട് വന്ന നടപടികള്‍ ഫലം കാണുന്നതായി കണക്കുകള്‍. ജനറല്‍ അതോറിറ്റി ഓഫ് സോഷ്യല്‍ ഇന്‍ഷുറന്‍സിന്റെ ഏറ്റവും പുതിയ കണക്കുകള്‍ പ്രകാരം 2017 നെ അപേക്ഷിച്ച് 2018ല്‍ 1.4 ശതമാനം സ്വദേശികളുടെ വര്‍ധനവാണ് സ്വകാര്യ മേഖലയില്‍ ഉണ്ടായിട്ടുള്ളത്. 2018 മൂന്നാം പാദത്തില്‍ 19.4 ശതമാനമായിരുന്ന സ്വദേശികള്‍ നാലാം പാദത്തില്‍ എത്തിയതോടെ പോയന്റ് നാലു ശതമാനം വര്‍ധിച്ചു 19.8 ശതമാനമായി ഉയര്‍ന്നു. അതിനിടെ, അടുത്ത വര്‍ഷത്തിനകം കോണ്‍ട്രാക്ടിങ്, റിയല്‍ എസ്റ്റേറ്റ് മേഖലയില്‍ സ്വദേശികള്‍ക്ക് 80,000 തൊഴിലുകള്‍ സൃഷ്ടിക്കുന്നതിന് തൊഴില്‍ മന്ത്രാലയം പദ്ധതികള്‍ ആവിഷ്‌കരിച്ചിട്ടുണ്ട്.