ജിദ്ദ: ചെർപ്പുളശേരി സ്വദേശി സലിം മാട്ടറ (61) ഹൃദയാഘാതത്തെ തുടർന്ന് ജിദ്ദയിൽ ഉറക്കത്തിൽ മരിച്ചു. 32 വർഷമായി കുടുംബത്തോടൊപ്പം ജിദ്ദയിൽ താമസിക്കുകയായിരുന്നു. നിസാൻ സ്പെയർ പാട്സ് മാനേജറായി ജോലി ചെയ്ത് വരികയായിരുന്നു. എം.ഇ.എസ്, കൈരളി തുടങ്ങിയ സംഘടനകളിൽ സജീവ സാന്നിധ്യമായിരുന്നു. ജിദ്ദ കിംഗ് ഫഹദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടി ക്രമങ്ങൾ പൂർത്തിയാക്കി ജിദ്ദയിൽ ഖബറടക്കുമെന്ന് ബന്ധുക്കൾ അറിയിച്ചു.

പിതാവ്: മുഹമ്മദ് മാട്ടറ. മാതാവ്: ബീബിമാൾ. ഭാര്യ: ആയിഷാബി. മക്കൾ: നൂറ, ലൈല, ആമിർ . മരുമക്കൾ: നഹാസ് (ദുബായ്), ഹിജാസ് (ബഹ്റൈൻ). സഹോദരങ്ങൾ സൈഫു, സുഹൈൽ, റുബീന, ആസ്യ.