മറയൂര്‍: മറയൂര്‍ സാന്റല്‍ ഡിവിഷന്റെ പരിധിയിലുള്ള വനമേഖലയില്‍ കാട്ടുതീ പടരാതിരക്കാന്‍ പ്രത്യേക സംഘത്തെ നിയമിക്കാന്‍ വനം വകുപ്പ് തീരുമാനിച്ചു. കഴിഞ്ഞ സീസണുകള്‍ മറയൂരിലെ ചന്ദനക്കാടുകളില്‍ പതിവായി തീപടര്‍ന്നതിനെ തുടര്‍ന്നാണ് പതിവായുള്ള ഫയല്‍ ലൈന്‍ തെളിക്കല്‍ പോലുള്ള നടപടികള്‍ക്ക് പുറമെ ഇത്തവണ കൂടുതല്‍ ജാഗ്രത എന്ന നിലക്കാണ് വനസംരക്ഷണ സമിതി പ്രവത്തകരെ നിയമിക്കുന്നത്.
സര്‍ക്കാര്‍ മറയൂര്‍ ചന്ദന വനം സംരക്ഷിക്കാന്‍ മാത്രം അഞ്ചുലക്ഷത്തി എഴുപത്തി അയ്യായിരം രൂപയാണ് ഇതിനായി നീക്കിവച്ചിരിക്കുന്നത്.
ഇങ്ങനെ ചുമതലപ്പെടുത്തുന്ന ജീവനക്കാര്‍ വനമേഖലയിലെ കാട്ടുതീയുടെ സാന്നിധ്യം ഇല്ലാതാക്കുകയും ശ്രദ്ധയില്‍പ്പെട്ടാല്‍ മറ്റ് പ്രദേശങ്ങളിലേക്ക് പടരുന്നതിന് മുന്‍പ് വനപാലകര്‍ക്ക് അറിയിപ്പ് നല്‍കി കൗണ്ടര്‍ ഫയര്‍ ഉള്‍പ്പെടെയുള്ള മാര്‍ഗങ്ങളിലൂടെ നിയന്ത്രണവിധേയമാക്കൂകയാണ് ചുമതല.
വേനല്‍കാലത്ത് ഇതിനായി ചുമതലപ്പെടുത്തുന്ന വനസംരക്ഷണ സമിതി അംഗത്തിന് 5000 രൂപ പ്രതിമാസം ഓണറേറിയം നല്‍കും. ഇതിന് പുറമേ ആദിവാസി മേഖലയിലും പൊതുജനങ്ങള്‍ക്കും വിനോദ സഞ്ചാരികള്‍ക്കുമായി കാട്ടുതീ ഉണ്ടാക്കുന്ന പരിസ്ഥിതി നാശത്തെകൂറിച്ച് ബോധവത്കരണ പരിപാടികള്‍ സംഘടിപ്പിക്കും