കളമശേരി: എസ്.വൈ.എസ് സംസ്ഥാന കമ്മിറ്റിയുടെ ആഹ്വാന പ്രകാരം കളമശ്ശേരി മണ്ഡലത്തിലെ 15 ശാഖാ കമ്മിറ്റികളുടെയും അദാലത്ത് പൂര്‍ത്തിയായി. കളമശ്ശേരി മര്‍കസില്‍ വച്ച് നടന്ന അദാലത്തിന്റെ ഉദ്ഘാടനം എസ്.വൈ.എസ് സംസ്ഥാന സെക്രട്ടറി എ.എം പരീദ് നിര്‍വഹിച്ചു.
ജില്ല അദാലത്ത് സമിതി അംഗങ്ങളായ മുഹമ്മദ് ഹസീം, പരീദ്കുഞ്ഞ് മുണ്ടംപാലം എന്നിവര്‍ അദാലത്തിനു നേതൃത്വം നല്‍കി. മണ്ഡലം ജനറല്‍ സെക്രട്ടറി അലിയാര്‍ കാരുവള്ളി, ട്രഷറര്‍ അഡ്വ. സെയ്ദ് മുഹമ്മദ്, വൈസ് പ്രസിഡന്റ് കെ.പി അലി, അബ്ദുല്‍ അസീസ് മൗലവി, ജോയിന്റ് സെക്രട്ടറി ബക്കര്‍ പുക്കാട്ടു, റഷീദ് കങ്ങരപ്പടി, ജില്ല കൗണ്‍സില്‍ അംഗങ്ങളായ മുഹമ്മദ്‌സാലി സി.എം, അഷ്‌റഫ് മറ്റക്കാട് എന്നിവര്‍ സംബന്ധിച്ചു.