കൊല്ലം: കേന്ദ്ര വനിതാ-ശിശു വികസന മന്ത്രാലയത്തിന്റെ ആഭിമുഖ്യത്തില്‍ മാര്‍ച്ച് ഒന്ന് മുതല്‍ നടന്നുവരുന്ന ശുചിത്വ പക്ഷാചരണത്തിന്റെ ഭാഗമായി നാളെ നീണ്ടകര തുറമുഖത്ത് ശുചീകരണ പ്രവര്‍ത്തനങ്ങള്‍ നടക്കും. രാവിലെ 10.30 മുതല്‍ ഉച്ചയ്ക്ക് 12.30 വരെ നടക്കുന്ന ശുചീകരണ പ്രവര്‍ത്തനങ്ങള്‍ക്ക് കേന്ദ്ര വനിതാ ശിശു വികസന സെക്രട്ടറി ലീനാ നായര്‍ നേതൃത്വം നല്‍കും. ഉച്ചയ്ക്ക് 1.30 മുതല്‍ 3.30 വരെ ശുചിത്വത്തെ കുറിച്ചുള്ള ശില്‍പശാല നടക്കും. തുടര്‍ന്ന് ശുചിത്വത്തെ ആധാരമാക്കി ദേശീയ ചലച്ചിത്ര വികസന കോര്‍പ്പറേഷന്‍ നിര്‍മിച്ച് അവാര്‍ഡ് നേടിയ ചിത്രങ്ങളുടെ പ്രദര്‍ശനവും ഉണ്ടായിരിക്കും. കൊച്ചിയിലെ മത്സ്യോല്‍പ്പന്ന കയറ്റുമതി വികസന അതോറിറ്റിയുടെ സഹകരണത്തോടെയാണ് പരിപാടി സംഘടിപ്പിച്ചിട്ടുള്ളത്.