ഒഴുകൂര്‍: എസ്.എസ്.എല്‍.സി പരീക്ഷയില്‍ തിളക്കവിജയവുമായി ഒഴുകൂര്‍ ക്രസന്റ് ഹയര്‍ സെക്കന്‍ഡറി സ്‌കൂള്‍. കൊണ്ടോട്ടി താലൂക്കില്‍ സാമ്പത്തികമായി പിന്നാക്കം നില്‍ക്കുന്ന ഉള്‍പ്രദേശമായ ഒഴുകൂരിന്റെ അഭിമാനം വാനോളം ഉയര്‍ത്തി ക്രസന്റ് ഹൈസ്‌കൂളിന് നൂറു ശതമാനം വിജയം. മലപ്പുറം വിദ്യാഭ്യാസ ജില്ലയിലെ മൂന്നാം സ്ഥാനവും ക്രസന്റ് ഹൈസ്‌കൂളിനാണ്.
കൊണ്ടോട്ടി ഉപജില്ലയില്‍ ഒഴുകൂര്‍, കിഴിശ്ശേരി പ്രദേശത്തെ വിദ്യാര്‍ഥികള്‍ പഠിക്കുന്ന ഹൈസ്‌കൂളില്‍ ഇത്തവണ 331 വിദ്യാര്‍ഥികളാണ് പരീക്ഷയെഴുതിയത്. ഉപജില്ലയില്‍ മുന്നൂറിലധികം വിദ്യാഥികള്‍ പരീക്ഷയെഴുതിയതി എല്ലാവരെയും വിജയിപ്പിച്ചെടുത്തതില്‍ രണ്ടാം സ്ഥാനവും ക്രസന്റിനാണ്. 35 കുട്ടികള്‍ക്ക് എല്ലാ വിഷയങ്ങള്‍ക്കും എ പ്ലസ് ലഭിച്ചപ്പോള്‍ ആ നേട്ടത്തിന് ഗ്രേസ് മാര്‍ക്കിനെ ആശ്രയിക്കേണ്ടി വന്നില്ല എന്നത് വിജയത്തിളക്കത്തിന്റെ മാറ്റുകൂട്ടുന്നു.