വില്ല്യാപ്പള്ളി: പള്ളി ദര്‍സുകള്‍ നവോത്ഥാനത്തിന്റെ ഉറവിടങ്ങളാണെന്നും അതുവഴി വളര്‍ന്നു വന്ന പണ്ഡിതന്‍മാരെയാണ് കാലം തേടുന്നതെന്നും പാണക്കാട് സയ്യിദ് റഷീദലി ശിഹാബ് തങ്ങള്‍ പറഞ്ഞു. ജലാലിയ്യ ദര്‍സ് വാര്‍ഷിക സനദ്ദാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു. അദ്ദേഹം ചടങ്ങില്‍ മഹല്ല് ഖാസി സേവന രംഗത്ത് നാല് പതിറ്റാണ്ട് പൂര്‍ത്തിയാക്കിയ കര്യാട്ട് അഹമ്മദ് മുസ്‌ലിയാരെ തങ്ങള്‍ ആദരിച്ചു.
ജലാലി കോഴ്‌സ് പൂര്‍ത്തിയാക്കിയ പത്ത് യുവ പണ്ഡിതര്‍ക്ക് മൗലവി ആലിം ജലാലി ബിരുദവും ഹാഫിളുകള്‍ക്ക് അനുമോദനവും നല്‍കി സി.എച്ച് അബ്ദുറഹ്മാന്‍ മുസ്‌ലിയാര്‍ തൈയ്യോട്ടിച്ചിറ സനദ്ദാന പ്രസംഗം നിര്‍വഹിച്ചു. പാറക്കല്‍ അബ്ദുല്ല എം.എല്‍.എ സുവനീര്‍ പ്രകാശനം ചെയ്തു. ആറ്റക്കോയ തങ്ങള്‍ പ്രാര്‍ഥന നിര്‍വഹിച്ചു. ടി.കെ കുഞ്ഞബ്ദുല്ല ഹാജി അധ്യക്ഷനായി. സ്വാദിഖ് ഫൈസി താനൂര്‍ മുഖ്യപ്രഭാഷണം നടത്തി. ആര്‍.കെ അബ്ദുല്ല കാഷ് അവാര്‍ഡ് വിതരണം ചെയ്തു. വില്ല്യാപ്പള്ളി ഇബ്രാഹിം മുസ്‌ലിയാര്‍, മുദരിസ് മുഹമ്മദ് അലി റഹ്മാനി പുല്‍വെട്ട, സി.എസ് അബ്ദുസ്സലാം ബാഖവി, ഷറഫുദ്ദീന്‍ ബാഖവി, ഉസ്മാന്‍ അഹ്‌സനി സംസാരിച്ചു.