മുഹമ്മ: ജൈവകൃഷിയുടെ പ്രോത്സാഹത്തിനും വ്യാപനത്തിനുമായി ഇന്‍ഫോസിസ് മുന്‍ സി.ഇ.ഒ  എസ്.ഡി ഷിബുലാലിന്റെ നേതൃത്വത്തില്‍  പ്രവര്‍ത്തിക്കുന്ന സരോജിനി ദാമോദരന്‍  ഫൗണ്ടേഷന്‍ ഏര്‍പ്പെടുത്തിയ  അക്ഷയശ്രീ കാര്‍ഷിക പുരസ്‌കാരങ്ങള്‍ വിതരണം ചെയ്തു.  
2016ലെ സംസ്ഥാനത്തെ  മികച്ച ജൈവകര്‍ഷകനുള്ള പുരസ്‌കാരം കണ്ണൂര്‍ സ്വദേശിയായ എന്‍ ഷിംജിത്തിന് എം.ജി സര്‍വകലാശാല വൈസ് ചാന്‍സിലര്‍ ഡോ. ബാബു സെബാസ്റ്റ്യന്‍ സമ്മാനിച്ചു. ഒരു ലക്ഷം രൂപയും ശില്‍പവും പ്രശസ്തിപത്രവുമാണ് ഷിംജിത്തിനു ലഭിച്ചത്. 13 ജില്ലകളില്‍  നിന്നും തിരഞ്ഞെടുക്കപ്പെട്ട 13 മികച്ച ജൈവ കര്‍ഷകര്‍ക്ക്  25000 രൂപ വീതവും  വിതരണം ചെയ്തു.  27 പ്രോത്സാഹന പുരസ്‌കാരങ്ങളും 15 പ്രത്യേക പുരസ്‌കാരങ്ങളും വിതരണം
ചെയ്തു.ഗവ.എച്ച്  എസ്  എസ് കണ്ണൂര്‍,ജി യു പി സ്‌കൂള്‍  പാലക്കാട്, സി.എം.എസ് എല്‍.പി സ്‌കൂള്‍ മുഹമ്മ എന്നിവിടങ്ങളിലെ വിദ്യാര്‍ഥികള്‍ക്കു പ്രത്യേക പുരസ്‌കാരങ്ങളും നല്‍കി. കുമാരി ഷിബുലാല്‍ അധ്യക്ഷത വഹിച്ച സമ്മേളനത്തില്‍ എസ്.ഡി  ഷിബുലാല്‍, കെ.ആര്‍ വിശ്വംഭരന്‍,സി.കെ.വി ദയാല്‍,ജെ ജയലാല്‍  ,പ്രൊഫ. എസ് രാമാനന്ദ്, ഡോ.ജയചന്ദ്രബാബു തുടങ്ങിയവര്‍ പ്രസംഗിച്ചു.