തൃശൂര്‍: കൊടുങ്ങല്ലൂരില്‍ നിര്‍ത്തിയിട്ട ബസിന് മുകളില്‍ ഉറങ്ങാന്‍ കിടന്നയാള്‍ താഴെ വീണുമരിച്ചു. ഊട്ടി സ്വദേശി മനീഷ്(27) ആണ് മരിച്ചത്. കൊടുങ്ങല്ലൂര്‍ ഭരണി ആഘോഷത്തില്‍ പങ്കെടുക്കാന്‍ എത്തിയതായിരുന്നു ഇദ്ദേഹം. രാത്രി ബൈപാസില്‍ നിര്‍ത്തിയിട്ട ബസിന് മുകളിലാണ് മനീഷ് ഉറങ്ങാന്‍ കിടന്നത്. ഉറക്കത്തില്‍ താഴെ വീഴുകയായിരുന്നുവെന്നാണ് പൊലിസ് പറയുന്നത്. പുലര്‍ച്ചെ രണ്ടരയോടെയായിരുന്നു സംഭവം. ഉടന്‍ തന്നെ ഇയാളെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.