കുമ്പള: മദ്യവേട്ടയ്‌ക്കെത്തിയ എക്‌സൈസ് സംഘത്തെ ആക്രമിച്ച കേസില്‍ ഒരാള്‍ കൂടി അറസ്റ്റില്‍. കുബണൂര്‍ ബേക്കൂര്‍ ഹൗസില്‍ കൃഷ്ണന്റെ മകന്‍ അക്ഷിതി(21)നെയാണ് എസ്.ഐ മെല്‍വിന്‍ ജോസ് അറസ്റ്റ് ചെയ്തത്.
ഇയാളെ കോടതി രണ്ടാഴ്ച്ചത്തേക്ക് റിമാന്‍ഡ് ചെയ്തു. ഇതോടെ അറസ്റ്റിലായവരുടെ എണ്ണം ആറായി. കഴിഞ്ഞ എട്ടിന് രാത്രി എട്ടിന് ബേക്കൂറിലെ വീട്ടില്‍ പരിശോധനയ്‌ക്കെത്തിയ കുമ്പള എക്‌സൈസ് ഇന്‍സ്‌പെക്ടര്‍ റോബിന്‍ ബാബുവിനെയും സംഘത്തെയും പത്തംഗ സംഘം ആക്രമിച്ച് പിടികൂടിയ മദ്യവും പുകയില ഉല്‍പന്നങ്ങളുമായി ഓട്ടോയില്‍ രക്ഷപ്പെടുകയായിരുന്നു.