കോഴിക്കോട്: സുപ്രഭാതം ദിനപത്രത്തിന്റെ പ്രചാരണം ശക്തിപ്പെടുത്താന്‍ റെയ്ഞ്ചുകള്‍ തോറും കോഡിനേറ്റര്‍മാരെ നിയമിക്കുന്നതിന്റെ ഭാഗമായി കോഴിക്കോട് ജില്ലാ റെയ്ഞ്ച് കോഡിനേറ്റര്‍മാരുടെ സംഗമം നടത്തി. സുപ്രഭാതം ഓഡിറ്റോറിയത്തില്‍ നടന്ന പരിപാടിയില്‍ 57 റെയ്ഞ്ചുകളിലെ പ്രതിനിധികള്‍ പങ്കെടുത്തു.
     എസ്.കെ.ജെ.എം.സി.സി മാനേജര്‍ എം.എ ചേളാരി ഉദ്ഘാടനം ചെയ്തു. എസ്.കെ.ജെ.എം സ്‌റ്റേറ്റ് ഉപാധ്യക്ഷന്‍ കെ.കെ ഇബ്‌റാഹിം മുസ്‌ലിയാര്‍ അധ്യക്ഷനായി. ട്രെയിനര്‍ അബൂബക്കര്‍ സിദ്ദീഖ് തിരൂര്‍ ക്ലാസ് നയിച്ചു.
       സൈനുല്‍ ആബിദീന്‍ തങ്ങള്‍ പ്രാര്‍ഥന നടത്തി. ഇ.കെ അബ്ദുല്ല ഫൈസി, കെ. കുഞ്ഞായിന്‍ മുസ്‌ലിയാര്‍, പി. ലിയാഖത്തലി ദാരിമി, കെ.കെ മുസ്തഫ അല്‍ഹസനി, പി. ബാവഹാജി, കെ. ഫവാസ് ദാരിമി കടമേരി, എന്‍.കെ ബഷീര്‍ ദാരിമി, സി. അബ്ദുല്‍ ഹമീദ് ദാരിമി സംസാരിച്ചു. സുപ്രഭാതം ഡെപ്യൂട്ടി സി.ഇ.ഒ ഐ.എം അബ്ദുറഹ്മാന്‍ സ്വാഗതവും പി. ഹസൈനാര്‍ ഫൈസി നന്ദിയും പറഞ്ഞു.