കല്ലമ്പലം: കുണ്ടും കുഴിയും കാരണം കല്ലമ്പലം-നഗരൂര്‍ റോഡില്‍ യാത്ര ചെയ്യാനാകാത്തതില്‍ പ്രതിഷേധിച്ച് ഓട്ടോറിക്ഷാ ഡ്രൈവര്‍മാര്‍ റോഡ് ഉപരോധിച്ചു. അടുത്തിടെയാണ് സത്യന്‍ എം.എല്‍.എയുടെ പ്രാദേശിക വികസന ഫണ്ട് ഉപയോഗിച്ച് റോഡ് നവീകരിച്ചത്. മാസങ്ങള്‍ക്കുള്ളില്‍ തന്നെ റോഡ് കുണ്ടും കുഴിയുമായി. കല്ലമ്പലം എസ്.ഐ സ്ഥലത്തെത്തി സംസാരിച്ചതിന്റെ അടിസ്ഥാനത്തില്‍ ഡ്രൈവര്‍മാര്‍ ഉപരോധ സമരം അവസാനിപ്പിക്കുകയായിരുന്നു.