കോട്ടയം: സെന്റര്‍ ഫോര്‍ ഖുര്‍ആനിക് സ്റ്റഡീസിന്റെ(സി.ക്യു.എസ്) ആഭിമുഖ്യത്തില്‍ ഈ വര്‍ഷത്തെ റമദാന്‍ മതവിജ്ഞാന സദസിന്റെ മൂന്നാം ദിവസമായ നാളെ രാവിലെ 10ന് കോട്ടയം ചെല്ലിയൊഴുക്കം റോഡിലുള്ള സി.ക്യു.എസ് ഹാളില്‍ വച്ച് തീരൂര്‍ പയ്യനങ്ങാടി ജുമാ മസ്ജിദ് ഇമാം ഷിയാസ് സലഫി 'സമ്പത്ത്‌വ്യവസ്ഥ ഇസ്‌ലാമില്‍' എന്ന വിഷയത്തില്‍ പ്രഭാഷണം നടത്തും. മതവിജ്ഞാന കേന്ദ്രത്തിലെ വാര്‍ഷിക പരീക്ഷയില്‍ ഉന്നതവിജയം കരസ്ഥമാക്കിയ വിദ്യാര്‍ഥികള്‍ക്ക് അവാര്‍ഡു വിതരണവും ഉണ്ടായിരിക്കും.  
തുടര്‍ന്നു ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഡയബറ്റിസ് അഡീഷണല്‍ ഡയറക്ടറും തിരുവനന്തപുരംകോട്ടയം മെഡിക്കല്‍ കോളജ് എന്‍ഡോക്രൈനോളജി വിഭാഗം തലവനുമായ ഡോ.പി.കെ ജബ്ബാര്‍ നോമ്പിന്റെ ആരോഗ്യശാസ്ത്രം എന്ന വിഷയത്തില്‍ സെമിനാര്‍ നയിക്കും. സ്ത്രീകള്‍ക്കു പ്രത്യേകസൗകര്യം ഒരുക്കിയിട്ടുണ്ട്.