കണ്ണൂര്‍: ആരോഗ്യ വകുപ്പിന്റെ നേതൃത്വത്തില്‍ പകര്‍ച്ച വ്യാധികള്‍ക്കെതിരെ സംഘടിപ്പിക്കുന്ന ആരോഗ്യസന്ദേശയാത്ര 'ആരോഗ്യ വര്‍ത്തമാനം' ജില്ലയില്‍ പര്യടനം തുടങ്ങി. ജില്ലാതല ഉദ്ഘാടനം തളിപ്പറമ്പ് ടൗണ്‍ സ്‌ക്വയറില്‍ ജയിംസ് മാത്യു എം.എല്‍.എ നിര്‍വഹിച്ചു.  നഗരസഭാധ്യക്ഷന്‍ അളളാംകുളം മഹമൂദ് അധ്യക്ഷനായി. ഡി.എം.ഒ ഡോ. കെ നാരായണ നായ്ക് മുഖ്യപ്രഭാഷണം നടത്തി. സി ഉമ്മര്‍, കെ ഹഫ്‌സത്ത്, ഡോ. എം പ്രീത, ഡോ. മിനി ശ്രീധര്‍, ഡോ.ബി സന്തോഷ്, ഡോ. കെ.കെ ഷിനി സംസാരിച്ചു. ഉദ്ഘാടനത്തിനു മുന്നോടിയായി നടന്ന വിളംബര ജാഥ ഡി.വി.സി യൂനിറ്റ് പരിസരത്ത് ഡി.വൈ.എസ്.പി കെ.വി വേണുഗോപാല്‍ ഫഌഗ് ഓഫ് ചെയ്തു. 23ന് വൈകുന്നേരം 4ന് കണ്ണൂര്‍ ടൗണ്‍സ്‌ക്വയറില്‍ സമാപന സമ്മേളനവും ബോധവല്‍ക്കരണ കലാപരിപാടികളും നടക്കും.