കോതമംഗലം: മുന്‍ എം.എല്‍.എ ടി.എം മീതിയന്റെ 16-ാമത് ചരമ വാര്‍ഷിക അനുസ്മരണവും സി.പി.എം നെല്ലിക്കുഴി നോര്‍ത്ത് ലോക്കല്‍ കമ്മറ്റി ഓഫിസ് ഉദ്ഘാടനവും മുഖ്യമന്ത്രി പിണറായി വിജയന്‍ ശനിയാഴ്ച വൈകിട്ട് അഞ്ചിന് നിര്‍വഹിക്കും.
ടി.എം മീതിയന്‍ സ്മാരക ഹാളിന്റെ ഉദ്ഘാടനം സി.പി.എം കേന്ദ്ര കമ്മറ്റിയംഗം ഇ.പി.ജയരാജനും കെ.പി.മുഹമ്മദ് സ്മാരക ഹാള്‍ ജില്ലാസെക്രട്ടറി പി. രാജിവും പഴയ കാല നേതാക്കളെ ആദരിക്കല്‍ സി.എന്‍.മോഹനും പി.കെ.കുഞ്ഞു മുഹമ്മദ് സ്മാരക ലൈബ്രറി ആന്റ് റിഡിങ് റൂമിന്റെത് ഏരിയ സെക്രട്ടറി ആര്‍.അനില്‍കുമാറും നിര്‍വ്വഹിക്കും. അസിസ് റാവുത്തര്‍ അധ്യക്ഷനാകും.
ജോയ്‌സ് ജാേര്‍ജ് എം.പി. ആന്റണി ജോണ്‍ എം.എല്‍.എ തുടങ്ങിയവര്‍ സംബന്ധിക്കും. ഉദ്ഘാടന ചടങ്ങിന് മുന്നോടിയായി കമ്പനി പടിയില്‍ നിന്നും നെല്ലിക്കുഴിലേക്ക് റാലിയും നടക്കും.