തൊടുപുഴ : സംസ്ഥാന ഹജ്ജ് കമ്മിറ്റി ചെയര്‍മാനും ദക്ഷിണ കേരള ജംഇയത്തുല്‍ ഉലമ സംസ്ഥാന സെക്രട്ടറിയുമായ തൊടിയൂര്‍ മുഹമ്മദ് കുഞ്ഞു മൗലവിക്ക് ഇന്ന് വൈകിട്ട് 5.30 ന് തൊടുപുഴ വെങ്ങല്ലൂരില്‍ സ്വീകരണം നല്‍കും. ദക്ഷിണ കേരള ജംഇയത്തുല്‍ ഉലമ ഇടുക്കി ജില്ലാ കമ്മിറ്റിയുടേയും ലജനത്തുല്‍ മുഅല്ലിമീന്‍, ജമാഅത്ത് ഫെഡറേഷന്‍, കേരള മുസ്ലിം യുവജന ഫെഡറേഷന്‍ എന്നിവയുടെയും സംയുക്താഭിമുഖ്യത്തില്‍ വെങ്ങല്ലൂര്‍ ജുമുആ മസ്ജിദിന് സമീപം തയ്യാറാക്കിയ കാഞ്ഞാര്‍ മൂസാ മൗലാനാ നഗറിലാണ് സ്വീകരണവും പൊതു സമ്മേളനവും സംഘടിപ്പിച്ചിരിക്കുന്നത്. സമ്മേളനത്തില്‍ ദക്ഷിണ കേരള ജംഇയത്തുല്‍ ഉലമ സംസ്ഥാന ജനറല്‍ സെക്രട്ടറി അബുല്‍ ബുഷറ ചേലക്കുളം കെ.എം. മുഹമ്മദ് മൗലവിക്കും സ്വീകരണം നല്‍കുമെന്ന് സ്വാഗതസംഘം ചെയര്‍മാന്‍ ഹാഫിസ് പി.പി മുഹമ്മദ് ഇസ്ഹാക്ക് മൗലവി, ഹാഫിസ് കെ.എസ്. ഇംദാദുള്ള മൗലവി, എം.ഐ.എം ഇല്ല്യാസ് മൗലവി, അബ്ദുല്‍ ഗഫൂര്‍ മൗലവി അറിയിച്ചു.