ന്യൂഡല്‍ഹി: വിദേശ ബാങ്കില്‍ നിക്ഷേപിച്ച 13000 കോടിയുടെ കള്ളപ്പണം ആദായനികുതി വകുപ്പ് കണ്ടെത്തി. 2011 ലും 2013 ലും കള്ളപ്പണം സംബന്ധിച്ച് ആദായനികുതി വകുപ്പിന് ലഭിച്ച വിവരങ്ങളില്‍ നിന്നാണ് കള്ളപ്പണ നിക്ഷേപം കണ്ടെത്തിയത്.

ജനീവയിലെ എച്ച്.ഡി.എഫ്.സി ബാങ്കിലെ കള്ളപ്പണ നിക്ഷേപമുള്ള 628 അക്കൗണ്ടുകളെക്കുറിച്ചുള്ള വിവരങ്ങളാണ് കണ്ടെത്തിയിരിക്കുന്നത്. ഇതില്‍ 213 അക്കൗണ്ടുകളില്‍ പണമില്ലാത്ത അവസ്ഥയിലാണ്. എന്നാല്‍ ബാക്കിയുള്ള അക്കൗണ്ടുകളിലായി 8,186 കള്ളപ്പണ നിക്ഷേപമുള്ളതായി കണ്ടെത്തിയിട്ടുണ്ട്. ജനീവയിലെ ബാങ്കില്‍ ഇന്ത്യക്കാര്‍ക്ക് കള്ളപ്പണമുണ്ടെന്ന വിവരം ഫ്രഞ്ച് സര്‍ക്കാരാണ് ഇന്ത്യയെ അറിയിച്ചത്‌.കള്ളപ്പണം സംബന്ധിച്ച് 55ഓളം കേസുകളാണ് ഇതുവരെ രജിസ്റ്റര്‍ ചെയ്തിരിക്കുന്നത്.