ദുബൈ: മഞ്ചേരിയില്‍ നിര്‍മിക്കുന്ന സൂപ്പര്‍ സ്‌പെഷാലിറ്റി ആശുപത്രിയായ സമാന ഹോസ്പിറ്റല്‍സിന്റെ ലോഗോ ദുബൈ ബുര്‍ജ് ഖലീഫയിലെ ഹോട്ടല്‍ അര്‍മാനിയയില്‍ നടന്ന ചടങ്ങില്‍ ഐ.ബി.എം.സി ചെയര്‍മാന്‍ ശൈഖ് ഖാലിദ് ബിന്‍ അല്‍ഹാമിദി പ്രകാശനം ചെയ്തു. യു.എ.ഇ- ഇന്ത്യ ബിസിനസ് ഫെസ്റ്റ് 2017ന്റെ വേദിയിലാണ് ചടങ്ങ് സംഘടിപ്പിച്ചത്.
സമാന ബിസിനസ് ഗ്രൂപ്പ് എം.ഡി ഒ.എം.എ റഷീദ്, സാബിത്ത് കൊരമ്പ, റാസിഖ് അഹ്മദ്, അജേഷ് ആന്റണി, ബഷീര്‍ പൊന്‍മള പങ്കെടുത്തു.
ഹോട്ടല്‍ അപ്പോളോ ഡിമോറ, അപ്പോളോ ബില്‍ഡേഴ്‌സ്, അന്‍സാം കണ്‍സ്ട്രക്ഷന്‍സ് തുടങ്ങിയ സംരംഭങ്ങളിലെ പങ്കാളികളാണ് സമാനഗ്രൂപ്പ്. സ്വര്‍ണം, വസ്ത്രം, പഠന സാമഗ്രികള്‍ തുടങ്ങിയ മേഖലകളിലെ സംരംഭകരും സൈബര്‍ സമാന, സമാന ലാന്‍ഡ് ബാങ്ക് , സമാന ലൈവ് ഫാം തുടങ്ങിയവയുടെ ഉടമകളുമാണ്. കമ്പനിയുടെ ആരോഗ്യ മേഖലയിലെ ആദ്യ ചുവടുവയ്പാണ് സമാന ഹാപ്പിനസ് ഹോസ്പിറ്റല്‍സ്.