സുല്‍ത്താന്‍ ബത്തേരി: ബജറ്റ് റിപ്പോര്‍ട്ട് പുസ്തകത്തില്‍ ബജറ്റവതരിപ്പിക്കുന്ന വൈസ് പ്രസിഡന്റ് സുരേഷ് താളൂരിന്റെ ചിത്രങ്ങള്‍ക്ക് പ്രാമുഖ്യം നല്‍കിയതില്‍ അംഗങ്ങള്‍ക്കിടയില്‍ തന്നെ അമര്‍ഷം. ബ്ലോക്ക് പഞ്ചായത്ത് പ്രസിഡന്റ് ലതാ ശശിയെ വരെ അവഗണിച്ചതാണ് അമര്‍ഷത്തിന് കാരണം.
സുരേഷ് താളൂരിന്റെ ചിത്രം ഒരു മുഴുവന്‍ പേജില്‍ നല്‍കിയപ്പോള്‍ പ്രസിഡന്റ് ലത ശശിയുടേതടക്കം മറ്റു മെമ്പര്‍മാരുടെ ചിത്രങ്ങളെല്ലാം കൂടി ഒറ്റപ്പേജിലൊതുക്കി. പുസ്തകത്തിന്റെ പുറംചട്ടയിലും വൈസ് പ്രസിഡന്റിന്റെ ചിത്രം മാത്രമാണ് നിറഞ്ഞു നില്‍ക്കുന്നത്. ഭരണസമിതി അംഗങ്ങളുടെ സഹായത്തോടെ തയാറാക്കുന്ന ബജറ്റ് അവതരിപ്പിക്കുന്നത് ധനകാര്യ സ്ഥിരം സമിതി അധ്യക്ഷനായ വൈസ് പ്രസിഡന്റാണ്.
എന്നാല്‍ പ്രസിഡന്റിനെപ്പോലും അപ്രസക്തമാക്കുന്ന രീതിയില്‍ ബജറ്റ് റിപ്പോര്‍ട്ട് പുസ്തകത്തില്‍ വൈസ് പ്രസിഡന്റിന്റെ ചിത്രം നല്‍കിയതില്‍ പലരിലും അമര്‍ഷമുയരുന്നുണ്ട്.