കോഴിക്കോട്: നിപാ വൈറസിന്റെ ഉറവിടം കണ്ടെത്താന്‍ സാംക്രമിക രോഗത്തെക്കുറിച്ച് പഠിക്കുന്ന വിദഗ്ധ സംഘം കോഴിക്കോട്ടെത്തി. ചെന്നൈയിലെ നാഷനല്‍ ഇന്‍സ്റ്റിറ്റ്യൂട്ട് ഓഫ് എപിഡമോളജിയിലെ വിദഗ്ധരായ ഡോ. എ.പി സുഗുണന്‍, ഡോ. തരുണ്‍ ഭട്‌നഗര്‍, ഡോ. പി. മാണിക്കം, ഡോ. കരീഷ്മ കൃഷ്ണന്‍, ഡോ. ആരതി രഞ്ജിത്ത് എന്നിവരാണ് എത്തിയത്.
മെഡിക്കല്‍ കോളജ് ആശുപത്രിയില്‍ ചികിത്സയിലുള്ളവരെ സംഘം സന്ദര്‍ശിച്ചു. ആരോഗ്യ വകുപ്പ് ഉദ്യോഗസ്ഥരുമായും ചര്‍ച്ച നടത്തി. നിപാ വൈറസുകള്‍ മനുഷ്യനിലേക്ക് എത്തിയത് എവിടെ നിന്നാണെന്നത് സംബന്ധിച്ച് ഇതുവരെ യാതൊരുവിധ സ്ഥിരീകരണവും ലഭിച്ചിട്ടില്ല. സംഘം ഇന്ന് പന്തിരിക്കരയിലും സന്ദര്‍ശനം നടത്തും.